Un home de 74 anos faleceu este luns como consecuencia dun accidente dun tractor en Neda. Neste mesmo sinistro, outra persoa, de 43 anos, resultou ferida e foi evacuada ao Hospital Arquitecto Marcide de Ferrol, segundo informou o 061.

O sinistro tivo lugar sobre as 13,52 horas, cando a Central de Coordinación de Urxencias Sanitarias de Galicia-061 recibiu a alerta polo accidente do tractor. Ao lugar desprazáronse unha ambulancia asistencial de soporte vital avanzado de Urxencias Sanitarias de Galicia-061, que atenderon a dúas persoas, unha delas, que responde as iniciais de J.P.H., falecido no punto. O outro ferido, de 43 anos, e que responde as iniciais de R.P.R., foi evacuado ao hospital.