Dúas persoas resultaron feridas nun accidente de circulación protagonizado por dous coches que sufriron unha colisión cando circulaban polo termo municipal de Lousame. Segundo trasladou o CIAE 112 Galicia, o accidente produciuse ás 17,10 horas deste luns no quilómetro 2 da estrada DP-1105, na parroquia de Tállara.

Ademais dos efectivos de Urxencias Sanitarias 061 que atenderon e evacuaron a un hospital aos feridos, tamén foi necesaria a intervención dos efectivos do GES de Noia para despexar o asfalto e que a vía recobrase as súas condicións de seguridade para a circulación.