Un condutor atropelou na noite do mércores a unha moza no municipio ourensán de Barbadás, na avenida de Celanova (na Valenzá), e deuse á fuga.

Segundo informa o 112 Galicia, os feitos ocorreron pasadas as 21,00 horas do mércores. A moza foi trasladada por unha dotación de Urxencias Sanitarias de Galicia-061 ao Complexo Hospitalario de Ourense (CHOU), pois presentaba un golpe na cabeza.

Así o confirmou o equipo médico a través do seu aviso do 112 Galicia. Así mesmo, solicitouse a intervención da Policía Local e dos membros do servizo municipal de Protección Civil. Agora, búscase ao condutor do coche, xa que se marchou do lugar dos feitos.