Un home foi rescatado este xoves tras precipitarse por un barranco o coche que conducía no municipio pontevedrés de Covelo. Segundo informou o 112, os Bombeiros de Ponteareas, tras asegurar o vehículo para evitar que se desprazase pola ladeira, axudaron á persoa a saír do seu interior, que foi evacuada polo persoal do Servizo de Urxencias Sanitarias de Galicia-061.

O persoal sanitario foi quen, dez minutos antes das 1,00 horas, solicitaba axuda ao 112 Galicia para rescatar a unha persoa que estaba atrapada no interior dun vehículo que se precipitou por un terraplén despois de saírse da vía, na EP-5103, entre os quilómetros 3 e 4, en Godóns. Tamén, a esa hora, unha persoa particular contactaba cos xestores de emerxencias para informar deste accidente.

O ferido, tras ser rescatado, foi trasladado nunha ambulancia do Servizo de Urxencias Sanitarias de Galicia-061 ao Hospital Álvaro Cunqueiro.