Dúas persoas, un pai e unha filla, necesitaron asistencia en Vigo este xoves tras producirse un incendio na súa vivenda. Foron atendidas no mesmo lugar dos feitos polos profesionais do Servizo de Urxencias Sanitarias de Galicia-061, sen ser preciso o seu traslado.

Segundo informou o 112, ao fío das 1,00 horas varios particulares contactaban co 112 Galicia para indicar que ardía a casa do veciño, na rúa de Ignacio Grobas, en Lavadores. Os alertadores relataban aos xestores de emerxencias que o dono tiña unha nena pequena e que estaban, neses instantes, sentados na xanela.

Con estes datos, desde o 112 Galicia pasouse aviso de inmediato ao Servizo de Urxencias Sanitarias de Galicia-061 e aos Bombeiros de Vigo. Tamén foron informados os axentes da Policía Nacional e Local. Tras chegar ao momento, rescatar ás persoas e extinguir o lume, os Bombeiros deron por finalizada a súa intervención. Iso si, comunicaron que ardese parte do piso.

Así mesmo, os profesionais sanitarios confirmaron a asistencia a un home e a unha menor no mesmo lugar, sen ser necesario o seu traslado.