O conselleiro do Mar en funcións, Alfonso Villares, reivindicou o mexillón como "xoia gastronómica" e como símbolo da calidade e sabor do marisco galego. Así o manifestou na celebración do I Degustación do Mexillón de Rinlo, no concello lucense de Ribadeo, na que se resaltaron as calidades culinarias deste bivalvo, así como as súas propiedades nutricionais, textura e frescura e a súa condición de produto de proximidade e sustentable.

Villares tamén destacou a saúde e benestar que hai tras o consumo do pesado e marisco galegos e a importancia destes eventos á hora de mostrar aos consumidores todas as posibilidades de elaboración que ofrece este produto, "desde a cociña máis tradicional ata a máis innovadora".

Doutra banda, o titular de Mar tamén subliñou a importancia deste tipo de eventos gastronómicos como "fórmulas máis idóneas e eficaces para promover o consumo dos produtos pesqueiros da comunidade, así como difundir o seu sabor e calidade entre a cidadanía".