Un home de 80 anos morreu afogado na mañá deste venres na praia de Caldebarcos, no municipio coruñés de Carnota, á que acudira para darse un baño.

O falecido é veciño de Caldebarcos e foi localizado por un particular que rescatou o corpo da auga e deu o aviso á central dos 112 minutos antes das 12,30 horas.

Segundo trasladaron fontes próximas ao ocorrido, o falecido sairía da súa casa para darse un baño no areal e morreu afogado.

Ata a zona mobilizouse o helicóptero de Urxencias Sanitarias 061 con base en Ourense, que non puido facer nada pola vida do octoxenario.

Tamén acudiron á praia axentes da Policía Local e Garda Civil, así como voluntarios de Protección Civil de Carnota.