Efectivos da Garda Civil de Moaña detiveron a unha veciña desta localidade, de 42 anos de idade e sen antecedentes, como presunta autora dun delito de tráfico de drogas. Segundo informaron fontes da Comandancia, a detención produciuse no marco dun dispositivo de seguridade cidadá, cando os axentes observaron que un coche realizaba unha manobra evasiva para evitar o control, e déronlle o alto. Na actuación, os gardas incautáronse de 620 doses de cocaína; 7,13 gramos de haxix; 13,5 gramos de marihuana; unha báscula; e diñeiro en efectivo. A muller detida foi posta en liberdade en sede policial, e ten a obrigación de comparecer no xulgado cando sexa requirida.