Por Europa Press / Redacción | BRUSELAS | 21/10/2024
O ministro de Agricultura, Pesca e Alimentación, Luís Planas, defendeu este luns "profundar nas relacións estratéxicas" con Marrocos tras a sentenza do Tribunal de Xustiza da UE (TJUE) que anulou o acordo pesqueiro celebrado coa UE por considerar que non tiña en conta ao Sahara Occidental.
"Respectaremos a sentenza, pero estamos politicamente moi interesados en profundar nas relacións estratéxicas con Marrocos", destacou Planas en declaracións aos medios en Luxemburgo previas á reunión de ministros de Agricultura e Pesca da UE.
Preguntado por se cre que a UE debe explorar un novo acordo que inclúa á fronte Polisario nas negociacións, Planas sinalou que o bloque debe agora "avaliar as consecuencias [das sentenzas] desde o punto de vista xurídico e político".
O ministro avanzou tamén que o vindeiro venres viaxará a Rabat para participar na reunión ministerial do Centro Internacional de Altos Estudos Agronómicos Mediterráneos (CIHEAM), onde se verá, entre outros, co seu homólogo marroquí, ao que di transmitir xa o que pensan tanto España como a UE: "O traballo que compartimos está por encima do que esta sentenza expuxo".
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
Exactamente cal é ese traballo que compartimos con Marrocos? Levamos varios anos sen saber nada sobre o veciño do sur... Moitos desplantes e pouco máis...? Un silencio tan espeso que ninguén pide siquera "explicacións" do cambio da política sobre o Sahara ? As resolucións das Nacións Unidas son papel mollado para as dúas partes España e Marrocos ? A última proposta fala dunha PARTICIÓN o norte para Marrocos e o Sur para o Polisario (porque non hai niguén máis que poda asumir a representación do pobo Saharaui ?) Patada adiante e Planas buscará outro acordo con Marrocos que siga sen recoñecer os Dereitos Históricos do Pobo Saharaui ?
Bandeiras de Marrocos e España / EP