Os dous homes de 24 anos acusados de agredir sexualmente a unha menor a noite de Fin de Ano en Lugo quedaron esta mañá en liberdade despois de comparecer ante a maxistrada do Xulgado de Instrución número 3. Ambos están investigados por un delito de agresión sexual e como medidas cautelares deberán comparecer ante o xulgado cada 15 días e non poderán achegarse á menor a menos de 200 metros nin comunicarse con ela de calquera forma. A fiscal non solicitou para eles pena de prisión.

A denunciante é unha moza de 16 anos que estaba a celebrar o Ano Novo na zona centro de Lugo cando, segundo asegurou, varios homes cercárona á saída dun local e dous deles, os detidos, fixéronlle tocamentos. A moza foi auxiliada polo seu noivo, quen foi o que fixo a denuncia ante axentes da Policía Local que estaban de patrulla. Nas proximidades do lugar detiveron a un dos dous homes e posteriormente detívose ao segundo.