Por xurxosalgado: En relación a que a palabra clan só pode usarse cos "clans" escoceses. Isto é o que di a RAG: clan substantivo masculino 1 Grupo social constituído por varias familias de orixe común, que obedecen a un xefe. Os clans xitanos.

Por xurxosalgado: A RAG non recolle a palabra "reyerta". Si recolle "pelexar" e os seus sinónimos. pelexa substantivo feminino Acción e efecto de pelexar. Despois da pelexa, un dos rapaces tivo que ir ao hospital. SINÓNIMOS agarra, agarrada, lea, liorta, pendencia CONFRÓNTESE loita, refrega As pelexas entre eles eran cada vez máis frecuentes. SINÓNIMOS agarra, agarrada, altercado, disputa, lea, liorta, pendencia, refrega, zarracina Que pelexa para convencelo! SINÓNIMO loita Unha pelexa de galos.

Por Sentidiño: Moitas grazas, Xurxo. Referíame, como sei que entendiches, á connotación do termo 'clan', e do español 'reyerta', nas noticias de crimes e sucesos. A Fundación Secretariado Xitano considera que o tratamento da súa comunidade polos medios insiste na asociación de etnia e delincuencia con exemplos como este: chamar "clans" o que para todos os demais casos é chamado "familias".