Rueda convencido que a crise en Santiago é porque o "PSdeG de entregouse ao BNG en moitos sitios"

Lembra que quen gañou as eleccións na capital galega foi o PPdeG.

Por Galicia Confidencial | Compostela | 20/01/2025

O presidente da Xunta, Alfonso Rueda, denunciou este luns a "inestabilidade" da política municipal en Santiago, tras a ruptura entre a dirección local do PSOE e o Grupo Municipal Socialista. Desta forma, cre que o PP de Borja Verea, que "gañou as eleccións", debe "mostrarse como alternativa".

Para o presidente da Xunta, a división dos socialistas en Santiago é "unha mostra máis" da  "vontade" do PSdeG-PSOE de "entregarse ao BNG en moitos sitios". "Vímolo na campaña das autonómicas, así lle foi ao Partido Socialista, e estamos a ver os resultados desas decisións nalgúns concellos cando se conforman os gobernos municipais, que están a provocar unha inestabilidade enorme", explicou.

Neste contexto, Alfonso Rueda avalou o que xa "está a facer" o seu partido a nivel municipal: "Denunciar esta situación e mostrarse como alternativa". "No goberno de Santiago hai de todo menos estabilidade, por moito que outros se empeñen en tentar disimulalo",dixo. Así se pronunciou ao ser preguntado, tras a reunión semanal do Goberno galego, sobre a decisión do PSOE de expulsar do partido ao seu portavoz municipal en Santiago, Gonzalo Muíños, o cal provocou que o grupo quede dividido entre os outros tres que o apoian --Mila Castro, Mercedes Rosón e Marta Álvarez-- e os dous que se achegaron á dirección local e foron nomeados portavoz --Gumersindo Guinarte-- e secretaria --Marta Abal--.

Esta situación complica a conformación de maiorías para o goberno compostelán, capitaneado por Goretti Sanmartín (BNG) en coalición con Compostela Aberta. En 2023, a nacionalista foi elixida alcaldesa co apoio do seis edís do PSOE, que con todo non entraron no goberno.

Alfonso Rueda lembrou que "quen gañou as eleccións" na capital galega foi o PP, "por unha diferenza importante de concelleiras", xa que Verea obtivo 11 fronte aos seis do BNG, outros tantos do PSOE e dous de Compostela Aberta. No entanto, a suma da esquerda logrou superar aos populares. "Formouse unha maioría naquel momento cun grupo que quedaba fose (PSOE) pero dicía que ía achegar estabilidade. Non vai nin a metade da lexislatura, pero xa ven como vai a situación", manifestou Rueda, para facer fincapé na "inestabilidade" que "repercute no día a día" do Concello.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



Charla do presidente do PPdeG, Alfonso Rueda, co candidato Borja Verea. PPDEG

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.