O colectivo Palas Viva da Plataforma Ulloa Viva convida a toda a veciñanza a participar este sábado, 24 de maio, na andaina conmemorativa da histórica manifestación de Palas de Rei do 26 de maio de 2024, que marcou un fito na loita en defensa do noso territorio fronte á ameaza da macrocelulosa de ALTRI.

 

A saída será ás 11:00 h dende a Praza do Concello de Palas de Rei, cun percorrido que discorre 10.3 km polo Camiño de Santiago ata a Finca de Quintas, na aldea de A Vacariza. Esta andaina ten como obxectivo lembrar o compromiso colectivo que se fixo hai un ano, cando milleiros de persoas saíron ás rúas para defender as s úas comarcas, as súas augas, as súas terras e o seu futuro. "Foi un acto de dignidade, de unión e de esperanza que queremos manter vivo na memoria e na acción", indica a plataforma nun comunicado.