Unha persoa perdeu a vida nun incendio nunha zona de monte na parroquia de Oseira, no municipio ourensán de San Cristovo de Cea. Segundo informou o 112 Galicia, o suceso produciuse sobre as 16.30 horas deste mércores á beira da OU-0406, sobre o quilómetro 16. O home sentiuse mal mentres axudaba nas tarefas de extinción dun lume.

Ata o punto desprazáronse os profesionais de Urxencias Sanitarias de Galicia-061, que mobilizaron o helicóptero medicalizado con base en Ourense, xa que unha persoa necesitaba asistencia sanitaria. Unha vez no lugar, os profesionais sanitarios non puideron facer nada por salvarlle a vida á persoa falecida. No operativo tamén participou a Garda Civil e os voluntarios de Protección Civil.