O líder do PP, Alberto Núñez Feijóo, posou este sábado cos compromisarios do Partido Popular de Galicia que asisten ao XXI congreso nacional que se celebra este fin de semana en Madrid, no que sairá reelixido presidente e candidato á Presidencia do Goberno.

"Sei onde quero chegar pero nunca esquecerei de onde veño", asegurou Feijóo nunha mensaxe na súa conta oficial de X, que recolleu Europa Press, xunto a unha foto na que posa cos afiliados do PPDeG.

Na foto acompañan a Feijóo --que foi presidente da Xunta durante 14 anos-- outros dous galegos, o presidente da Xunta de Galicia, Alfonso Rueda, e o aínda portavoz do Grupo Popular no Congreso e futuro secretario xeral do PP, Miguel Tellado.

Feijóo, Rueda e Tellado foron recibidos na foto de grupo entre os aplausos dos populares galegos que cantaron a Rianxeira e escoitáronse berros de 'oa, oa, oa, Feijóo a la Moncloa'.