O alcalde de Sanxenxo, Telmo Martín, resultou ferido nunha perna tras ser atropelado no estacionamento da praza do Mar durante a manobra de marcha atrás dun vehículo. O condutor deu positivo nas probas de alcoholemia. O suceso produciuse ás 06.00 horas deste domingo cando o alcalde acompaña ao inspector xefe da Policía Local durante a rolda de control da movida nocturna.

A consecuencia do impacto, segundo explicaron fontes municipais, Telmo Martín foi derivado en ambulancia ao Hospital de Montecelo cunha fisura na morna da perna esquerda. Aínda que xa recibiu a alta médica, o rexedor debe de estar coa perna inmobilizada polo menos durante 10 días. O alcalde agradeceu a profesionalidade e a atención recibida pola Policía Local e o persoal sanitario.