Por E.P. | SANTIAGO DE COMPOSTELA | 21/05/2018
O portavoz de En Marea, Luís Villares, culpou ao "desleixo e incapacidade" do Goberno galego de que "apenas dez días despois de que deixase de chover" volvan producirse incendios en Galicia, como os que se rexistraron esta fin de semana Santiago e A Estrada (Pontevedra), que deixaron unhas 90 hectáreas de superficie afectada.
Nunha comparecencia de prensa celebrada este luns, Luís Villares lamentou que o Executivo que dirixe Alberto Núñez Feijóo "non aprendese nada" da vaga de incendios que sufriu Galicia o pasado mes de outubro e que se cobrou a vida de catro acodes ademais de calcinar case 50.000 hectáreas.
"Pasou todo o inverno sen que a Xunta fixese absolutamente nada para que a dramática situación do pasado outubro volva repetirse", comentou o maxistrado en excedencia, que criticou que "das 30 medidas anunciadas como novas" por Feijóo "e que non eran máis que lexislación vixente, seguen sen cumprirse a día hoxe".
Deste xeito, Luís Villares censurou que o PPdeG sexa "máis que nunca o proxecto personalista" de Alberto Núñez Feijóo e teorizou con que "a confianza" que os galegos depositaron nos populares "non se daría" se se celebrasen eleccións na actualidade.
Así mesmo, tachou de "desvergoña" que o presidente galego recoñecese o pasado venres que incumpría a normativa de limpeza dos montes e aludise a que se trata de "un incumprimento do conxunto do país".
¿Gustouche esta nova?
Colabora para que sexan moitas mais enviando un SMS coa palabra GC ao 25511
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.
O portavoz de En Marea, Luís Villares, nunha entrevisa con Europa Press / Europa Press