Irureta pode ter os días contados

Deportes - 02 Maio 2005

O adestrador deportivista pode ter os días contados. Tras as últimas dúas derrotas consecutivas, a afeción estoupou e recibirá o equipo a vindeira semana con asubíos e panos brancos. Non se descarta unha reunión urxente da dirección do clube, con Lendoiro á cabeza, para tratar a continuidade de Irureta. Tamén se conta que a decisión de Mauro Silva e Luque de pedir o relevo foi por "vergoña allea".

Divorcio absoluto entre a afección e o Depor

Deportes - 25 Abril 2005

A afección no puido máis onte, logo dos catro goles encaixados en casa, e despediu ao equipo cunha sonora pitada. Irureta dixo que xa "tomou nota", e de portas adentro, se interpreta que será a súa última tempada no Depor. Dende o clube destacan que xa nin ten a "ilusión" de levar o equipo á Europa. A verdade é que no Depor non hai o espírito competitivo doutros anos. Mesmo nos adestramentos o equipo se limita a facer uns exercicios rápidos e un partidiño sen máis; en total, pouco máis de hora e media.

O celta saca proveito

Deportes - 25 Abril 2005

O Celta sacou proveito do pinchazo dos seus perseguidores e xa se puxo a seis puntos do Cádiz. O peor do partido de onte, a agresión aos afecionados da peña Celtista Quart-Hadast que se desplazaron a Elche cun espectáculo lamentable. Consultao en delcelta.com. Por outra banda, Horacio Gómez e Fernando Vázquez xa traballan no Celta de Primeira, a pasada semana falaron de posibles fichaxes para a vindeira tempada.

Unha nova promesa no Racing

Deportes - 25 Abril 2005

Segundo os racinguistas que o coñecen ben, Moisés Pereiro vai para crack, pero este xoven xogador segue tendo problemas para que o inclúan entre os titulares. A pesares de que o Racing está case salvado tras a victoria ante o Córdoba, non son poucos os que lle reclaman a Veiga que poña a xogar a este rapaz que nos adestramentos ningunea aos xogadores habituais.

O Pontevedra vai a rachas

Deportes - 25 Abril 2005

O Pontevedra xa está a seis puntos da salvación, aínda que xunto a eles hai outro catro equipos pelexando. As últimas victorias dos granates volveron a ilusionar á afeción e Argibay está convencido que se gañan outros catro partidos dos nove en xogo están salvados. O presidente Mirón descarta, por agora, novas fichaxes e confía nos xogadores actuais, polo que se descarta, por agora, a chegada do ex céltico Catanha.

Homenaxe a Ricardo González

Deportes - 18 Abril 2005

Os xogadores do 'Breo' adicaronlle a victoria ante o Estudiantes a Ricardo González, o capitán do equipo lugués, que se viu obrigado a retirarse do baloncesto tras terlle detectado un problema conxénito nunha arteria coronaria. Charlie Bell volveu as andadas, tras uns partidos desmotivado, e superou os 30 puntos.

Silveira xa respira tranquilo

Deportes - 18 Abril 2005

O presidente do Racing, Isido Silveira, respira tranquilo. Logo de tres victorias consecutivas o seu equipo alonxase do descenso e xa soña coa permanencia, que era o seu obxectivo. Por outra banda, Mario Bermejo podería abandonar o Racing a próxima tempada. Hai varios equipos interesados por el, entre outros, o Celta e o Bilbao.

A renovación do Depor

Deportes - 18 Abril 2005

O Depor non ten chispa. Entre a directiva, e sobre todo, entre os afecioados, cualla a idea de que hai que renovar o equipo. Coa marcha de Mauro e Fran remata unha xeración e un xeito de xogo con seis anos de historia. Lendoiro leva uns días pensando nos recambios, sobre todo para a media e a dianteira. Quen pode ter os días contados son Valerón e Tristán. Entre a lista de posibles baixas sona, ademáis, Andrade, Munitis, Victor ou Munúa.

O futuro Celta de Vázquez

Deportes - 11 Abril 2005

O celta xa pensa máis na Primeira división que en Segunda. Segundo nos contan Vázquez xa deu o seu sí a Horacio Gómez para continuar ó fronte do Celta o próximo ano. O de Castrofeito prepara xa o equipo de Primeira, no que podería haber ata dez novas fichaxes. Por outra banda, a peña siareiros reclamou á Radio Galega, a través dunha misiva, que retrasmitira o Poli-Celta de onte en directo.

O Racing escapa do descenso

Deportes - 11 Abril 2005

Logo de dous partidos consecutivos gañados o Racing xa respira tranquilo e se alonxa do descenso. O presidente, Isidro Silveira, felicitou a xogadores e adestrador tras o partido contra o Salamanca, logo de semanas de nerviosismo permanente. Quen podería deixar o clube a próxima tempada é o goleador de Segunda Mario Bermejo. Este xogador esta falando, entre outros clubes, co Celta de Vigo.

Jabo e os Blues

Deportes - 11 Abril 2005

Unha 'cantada' de Munúa a cinco minutos do final acabou nun novo empate para o deportivo. A afección segue criticando o baixo nivel de forma de Tristán e Valerón que siguen sen estar á altura, mentres que o adestrador deportivista achacaba a actitude do seu equipo o pouco ambiente que hai nas gradas dende a disolución dos Blues. Nembargantes, GC tivo acceso a un chamamento desta peña que discute as afirmacións de Jabo:

A remontada do Pontevedra

Deportes - 11 Abril 2005

Tres partidos, tres victorias e tan só a seis puntos do ascenso. No Pontevedra comezan a crer que poden quedar en Segunda tras a goleada ante o Lleida nun Pasarón cheo, con máis de 6.000 afecioados. O máis emotivo do partido, a despedida a Canabal, un xogador moi querido na capital do Lérez e que no futuro podería recalar no cadro técnico dos granates.

As copas do Depor

Deportes - 04 Abril 2005

As críticas de Pandiani acusando a algúns dos seus ex compañeiros de vir ós adestramentos con copas de máis non cairon nada ben entre algúns xogadores deportivistas. Nembargantes, o uruguaio non mentía cando afirmaba isto. Esta misma semana, o pasado martes, viron a un dianteiro deportivista en horas baixas aínda que redimido no partido de onte, ás duas e media da mañán xogando ó Blackjack no Casino do Atlántico, cun cubata na man, e acompañado doutro ex deportivista acostumado á noite.

O Racing respira

Deportes - 04 Abril 2005

Os "consellos" do presidente racinguista, Isidro Silveira, ós seus xogadores deron resultados. O Racing de Ferrol conseguiu unha victoria que sabe a moito e que o alonxa dos postos do descenso. Non gustou en Ferrol que nalgúns medios oficiais do Málaga sinalaran que o partido ía ser no estadio de A Malata na cidade de "A CORUÑA".

O Celta imparable

Deportes - 04 Abril 2005

A estas alturas da tempada todos no Celta de Vigo comezan a soñar co ascenso. O equipo leva unha racha de 9 partidos gañados na segunda volta, está a dez puntos do cuarto clasificado e con moitas opcións de estar o ano que ven en Primeira. Fernando Vázquez podería continuar como adestrador e quere que o clube amarre a Canobio e a Jandro que considera fundamentais para a próxima etapa celeste. Tamén quere conservar a canteiráns como Oubiña, Israel ou Bouzón.

O Pontevedra soña co ascenso

Deportes - 04 Abril 2005

As dúas victorias consecutivas do Pontevedra fixeron que os afecionados recuperen a ilusión polo ascenso. Agora están a nove puntos e a próxima xornada reciben ó Lleida. Pero todos os seus inmediatos perseguidores por abaixo teñen partidos comprometidos; o Terrasa recibe ó Eibar, o Málaga B ó Cadiz, o Ciudad de Murcia ó Almería e o Córdoba ó Murcia.

Terceiro toque de Silveira

Deportes - 28 Marzo 2005

O presidente do Ferrol, Isidro Silveira, comeza a impacientarse polos malos resultados do equipo. Por iso, tras a derrota do seu equipo ante o Cádiz falou co adestrador, Juan Veiga, para darlle un toque, e xa vai polo terceiro. Este foi un pouco máis serio que os anteriores xa que lle dixo que como se siga perdendo vai ter que "tomar medidas". A afeción comeza a criticar o xogo do equipo e lamenta que se esté repetindo a mesma historia que hai duas tempadas, nas que o Ferrol dilapidou toda a ventaxa da primeira volta, na segunda, para volver descender a Segunda B.

Bell sigue imparable

Deportes - 28 Marzo 2005

Charlie Bell volveu superar os 30 puntos, desta vez, contra o Forum de Valladolid, foron 41 e liderou a victoria do Breogán. Moncho López é moi consciente de que sen Bell o Breo non estaría onde está. No clube dase xa por feito a marcha do xogador a finais desta tempada e xa hai rumores que o sitúan mesmo no Real Madrid.

As accións do Pontevedra

Deportes - 28 Marzo 2005

Vai ser moi difícil que o Pontevedra cubra o seu capital social tan só coas aportacións de socios e afecionados. Na cidade do Lérez reclaman que unha entidade forte; ben Caixanova ou ben a propia Ence, se faga con boa parte das accións. Na primeira fase, dos máis de 4,5 millóns de euros que fan falta para converter o clube en S.A., tan só se cubriron 158.000 euros. Agardase que na terceira fase, á que ten acceso quen non é socio, se poida cubrir boa parte desta cantidade. Por outra banda, entre os afecionados hai moito cabreo polo peche do foro oficial do Pontevedra. Acusan ó clube de censura

Berizzo, ¿director deportivo do Celta?

Deportes - 21 Marzo 2005

Ó actual director deportivo do Celta, Félix Carnero, acabaselle o contrato este ano tras dez anos de traballo no clube. O presidente celeste, Horacio Gómez, xa ten dito que quere contar con nas futuras tempadas, pero, por se acaso, garda un as na manga. Según fontes do clube celtiña o xogador Berizzo foi tanteado ante a posibilidade que Carnero non queira seguir ou non se chegue a un acordo. A afeción non vería mal esta operación que xa aconteceu con outros xogadores como Mate, Gudell ou Rackovic; aínda que tamén reclaman a Gómez que pense en Karpin e Mostovoi.

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.