Deportes - 05 Decembro 2005
Por outra banda, co acordo firmado entre o Celta e o Arsenal, a dirección do clube vigués pretende dar saída a súa canteira e traer novas fichaxes. O clube inglés está moi interesado en xogadores como Silva, De Ridder e Oubiña ou Jonathan. Ó Celta interesalle Quincy Owusu Abeyie, un xogador que brillou no mundial sub-20. Sen embargo, o clube vigués tamén ten un acordo semellante co Oporto que non deu moi bos resultados nos últimos tempos.
Deportes - 05 Decembro 2005
Tamén no Depor hai moito desánimo pola política de non gastar en fichaxes. Hai malestar entre a afeción e en parte do plante técnico polo pouco rendemento dos poucos xogadores que chegaron esta tempada, como é o caso de Taborda. Tamén se critica que se prentendan contratar xogadores como Arizmendi en perxuizo de canteiráns como Xisco, Senel ou Rubén Rivera.
Deportes - 28 Novembro 2005
O lateral dereito do Pontevedra, Luciano, renovou contrato por tres tempadas e estará vinculado ó clube granate ata o 30 de xuño de 2009. O equipo do Lérez tamén se reforzará coa chegada do dianteiro brasileiro Igor de Sousa Fonseca, hirmá de Yuri e primo de Charles. Ata agora xogaba no Estrela Amadora (1ª division de Portugal), cedido polo Sporting de Braga.
Deportes - 28 Novembro 2005
A débeda do Celta é hoxe de case 20 millóns de euros, a metade que hai un ano. Estas contas foron posible pola venda de xogadores cando o equipo vigués descendeu a segunda e polo superavit da pasada campaña que ascendeu a 700.000 . Estas contas serán presentadas ós socios na Xunta Xeral Ordinaria de Accionistas do 12 de decembro. O compromiso da dirección do clube pasa por reducir a débeda en dous millóns máis durante este ano. Con estas contas non é de extrañar que o Celta sexa un dos equipos que interese ó magnate Abramovich, que está disposto a invertir nun clube español a vindeira tempada.
Deportes - 28 Novembro 2005
Os afecionados deportivistas comezan a impacientarse. Tras seis xornadas sen gañar, os coruñeses critican abertamente o seu adestrador. Acusano de excluir á xente da canteira como Xisco, Rubén ou Momo en detrimento de Scaloni ou Tristán. Onte corearonse os nomes de Mauro, Donato, Makay, Djalminha, Fran ou Naybet... Na Coruña botan en falla o Superdepor de Arsenio.
Deportes - 21 Novembro 2005
Os medios ingleses especulan coa posibilidade de que o arxentino Aldo Duscher poida recalar no Manchester. O equipo inglés estaría disposto a facer un "gran esforzo económico" na sua fichaxe. A dirección do clube sopesa esta posibilidade, sobre todo, porque o contrato do xogador remata no 2007.
Deportes - 21 Novembro 2005
As dúas televisións públicas volcanse co Breogán. Zona ACB, de TVE2 emite hoxe un programa adicado ó equio galego, no que falarán os seus principais xogadores. Tamén a TVG comezou esta fin de semana un novo espacio, dentro de 'A xornada' que se emite os domingos, sobre a evolución do Breogán, e que conta coa colaboración de Roberto Prado, o xornalista desta canle que cubre o clube lucense.
Deportes - 21 Novembro 2005
O Celta reducirá a plantilla dos 28 xogadores actuais, a vintedous ou vintetrés na segunda volta. Nesta operación, xa entrou José Ignacio, e o seguirán Isaac e Iago, que poden recalar en equipos de Segunda. Vázquez tamén quere prescindir de Roberto Souza, Méndez e Juan Sánchez, aínda que a saída deste último semella complexa.
Deportes - 14 Novembro 2005
A productora Puente Aéreo y Producciones S.L. será a encargada de rodar un spot publicitario sobre o Pontevedra. O obxectivo é captar máis socios e aumentar o apoio social do clube. A rodaxe terá lugar o 25 de novembro en diversas localizacións de Pontevedra.
Deportes - 14 Novembro 2005
Os vigueses xa fan contas sobre o posto que terán a final da liga. Se a traxectoria dos celtistas segue como ata agora, isto suporía que, a final da tempada sumarían 69 puntos e poderían clasificarse para a Champions. Esta regra funcionou cos catro clasificados das tres tempadas anteriores.
Deportes - 07 Novembro 2005
O pasado venres constituiuse a última asamblea de Siareiros Galegos en Lugo. Con esta incorporación, xa son seis as asambleas organizadas, xunto coas de Santiago, A Coruña, Pontevedra, Trasancos e Vigo, logo da celebración da súa asamblea nacional en Compostela a finais de outubro. Tamén o vindeiro mércores concentranse na cidade deportiva de Abegondo as seleccións galegas Sub 18 e sub 14 para manter un enfrontamento cun combinado do Deportivo.
Deportes - 07 Novembro 2005
O mercardo de inverno tamén pode ser moi movido para o Depor. Hai dous xogadores que poderían deixar o clube coruñés, Aldo Duscher, con dirección a Inglaterra e Sebastián Taborda, que podería recalar noutro equipo español. Lendoiro está disposto a deixar marchar a estes dous xogadores sempre e cando reciba máis por eles do que lles custou. A súa saída podería quedar cuberta pola chegada de David Navarro, que non conta co beneplácito de Quique Sánchez Flores no Valencia e xa ten ofertas para recalar no Depor. O clube coruñés leva vendidos xogadores nas tres últimas tempadas por un valor cercano ós 40 millóns e mercado por seis millóns.
Deportes - 07 Novembro 2005
O adestrador do Alavés, Chuchi Cos, amosouse onte indignado ó final do partido tras os berros continuados da afeción celtiña contra o seu equipo. "A segunda, oé", foi o berro máis escoitado en Balaídos, así como os pitidos ó ex celtista Jandro. "Veremos quién se va a segunda, aun queda mucho. El año pasado Osasuna iba muy bien, tuvo una racha de 10 partidos sin ganar y al final sufrió para salvarse", comentou Cos na rolda de prensa sobre estos insultos que non gustaron nada en boa parte da dirección e dos xogadores do clube vigués.
Deportes - 31 Outubro 2005
O presidente celtiña busca solucións para evitar que os partidos do Celta en Balaídos non se convirtan en xogos de salón. No que levamos de tempada, o aforo do campo vigués non superou as 20.000 persoas, cunha media de 15.000 afecionados por partidos. Xa hai peñas que piden bonos moito máis baratos e accións publicitarias para recuperar o espírito do Celta europeo.
Deportes - 31 Outubro 2005
O base galego e capitán do Breogán comezou con moi mala sorte esta tempada na ACB. Logo de pasar todo o veran traballando intensamente para recuperarse da súa lesión, unha forte pubalxia materao lonxe da cancha durante catro semanas. O do Porriño non deixa de cometar entre os seus achegados a súa mala sorte nunha tempada que prometía moito para el.
Deportes - 31 Outubro 2005
O adestrador do Mónaco, Francesco Guidolin, reclamou ó seu clube a contratación do deportivista Lionel Scaloni para o mercado de inverno. O xogador, que non conta para Caparrós, estaría disposto a marchar ó futbol francés para poder xogar o vindeiro mundial. A operación podería ter un custe de tres millóns de euros.
Deportes - 31 Outubro 2005
Houbo algúns colegas da prensa deportiva e afecionados que onte se queixaron pola "insensibilidade" do clube deportivista que non tivo a deferencia de gardar un minuto de silencio en lembranza de Fátima, unha moza que morreu a pasada semana víctima dunha longa e grave enfermidade. E non se entende esta actitude cando o propio clube, a través do Deporsport, apoiara a loita de Fátima contra a súa enfermidade e mesmo xogou un partido no Carballiño pola súa causa.
Deportes - 24 Outubro 2005
Baiano terá que someterse a máis probas ó longo desta semana. O brasileiro ten unha elongación do músculo e pode estar de baixa un mes. Quen pode xogar xa ante o Atletic de Bilbao é Canobbio. O xogador uruguaio quere acelerar a súa volta ó equipo e cre que está en condicións de viaxar a Bilbao.
Deportes - 24 Outubro 2005
Non gustou nada, nin á directiva, nin ós xogadores, ter que vestir onte unha camisola do equipo rival por falta dunha apropiada para a ocasión. Scaloni e Juanma acabaron o partido moi cabreados por este tema, ó igual que o propio presidente deportivista que non soubo explicar porque o seu clube non dispuña dun equipamento apropiado nin porque non se tapou a publicidade do equipo ribal. Joma e Fadesa, sponsors do Depor, tamén teñen dereito a protestar.
Deportes - 17 Outubro 2005
O Negreira xa agarda a visita do Pontevedra. Un derbi galego que non queren perder preto de 2.000 siareiros da cidade do Lérez, que teñen previsto desprazarse ó concello coruñés. Agardase un bo ambiente entre as dúas afecións.
