Comunicación - 06 Febreiro 2005
Localia TV vai camiño de conseguir o título á mellor xestión empresarial do ano. Logo de despidos masivos en Vigo, Santiago e Coruña e de "institucionalizar" o de contratar persoal en práctivas, despois de baixar o nivel do xornalismo a cotas nunca vistas e mesmo contratar por horas como nas obras da construcción, agora tócalle o turno a Ferrol. Nesta cidade acaban de despedir a seis compañeiros porque as contas non dan, con nin sin eles. Así que se vai reproducir o esquema doutros sitios; un xefazo cobrando un pastón e uns curritos que non superan case os 20 anos en prácticas cobrando o incobrable.
Comunicación - 02 Febreiro 2005
Pouco máis de 11 euros é o que custa a hora de traballo dun xornalista en Localia Vigo. Logo de sanear a emisora, con despidos masivos incluidos, os xestores desta canle -que proceden do Grupo Prisa- están contratando a xornalistas por horas. Esa é a nova política de empresa para aforrar custes. Utilizar aos traballadores dos medios en horas puntuais, sen contrato e só cando sexan necesarios.
Comunicación - 01 Febreiro 2005
Resulta curioso como a "propaganda institucional" da Xunta sobre o Plan Galicia, que tanto critican nacionalistas e socialistas, chegue tamén a medios de comunicación nada sospeitosos de ser do réxime. Este é o caso do último número do semanario A Nosa Terra que inserta toda unha páxina sobre as obras deste plan pagada pola Xunta de Galicia.
Comunicación - 29 Xaneiro 2005
O anuncio da Cámara galega de regular o uso da sinal televisiva de plenos e comisións está a causar malestar nos medios de comunicación audiovisuais, especialmente coas televisións. Os profesionais destes medios queixaronse do intento de "control" que os deputados pretenden facer das imaxes televisivas. "E se lle volve dar un desmaio a Fraga, ¿emitirán as imaxes?", preguntabase algún deles. Ao parecer o presidente do Parlamento, Xosé María García Leira, foi cuestionado ao respecto e a súa resposta foi ben significativa; "e logo, ¿para que credes que facemos isto?".
Comunicación - 28 Xaneiro 2005
Cada día é maior o descontrol da TVG, especialmente, tras o grave enfrentamento entre os dous sectores ireconciliables do PPdeG. Agora, na 'gran Casa' ninguén se quere facer responsable dos contidos dos informativos, sobre todo, polo que pode caer dende a boina ou dende o birrete, según se conte a historia. Os editores son xente moi nova, sen experiencia e que traballan baixo a batuta do director de informativos. Se sae Núñez Feijoo ten que saír Barreiro, e teñen que ir por orde; primeiro Fraga, logo o vicepresidente primeiro e, por último, o vicepresidente segundo. Se o primeiro fala menos que o segundo hai problemas e se o segundo non aparece cando o fai o primeiro, tamén.
Comunicación - 17 Xaneiro 2005
Como xa comentabamos aquí mesmo, a treboada en Onda Cero vai ser histórica. Cóntannos que agora a empresa propietaria desta canle radiofónica e de Antena 3 TV está "obrigando" aos traballadores da radio a restrinxir os seus contratos para pasalos á televisión. O grupo empresarial pretende, así, que os xornalistas perdan os dereitos laborais adquiridos tras anos de traballo.
Comunicación - 12 Xaneiro 2005
Aveviñase un gran trebón na emisora Onda 0 en Galicia, pero tamén en todas as emisoras do Estado. A causa non é outra que a ruptura de negociacións entre a empresa e os traballadores para a redacción dun novo convenio de empresa. Os empregados desta radio están dispostos a ir á folga, algo que non temen porque xa o fixeron hai uns anos gañandolle a guerra á empresa.
Comunicación - 10 Xaneiro 2005
O Director da Area de Centros Territoriais de TVE, Manuel Lombao, leva semanas investigando sobre a orixe da filtración dunha entrevista na TVE en Galicia na que Magdalena Álvarez constestaba de malos xeitos a unha pregunta sobre o Plan Galicia.
Comunicación - 09 Xaneiro 2005
Tras a posta en marcha do xornal gratuito Metro Coruña do grupo 'Metro News' e a imninente saída do diario 'Qué Vigo'e 'Qué A Coruña' o vindeiro 18 de xaneiro(ambos os dous do grupo Recoletos), comezan os movementos no panorama mediático galego. Así, o Grupo Voz negocia con outros seis xornais do Estado a creación dunha editora conxunta para a publicación dun novo xornal gratuíto, que entre outras comunidades, se distribuiría en Galicia.
Comunicación - 20 Decembro 2004
Esa "revolución" do audiovisual e "apagón tecnolóxico" que defendeu este fin de semana o director xeral da CRTVG non se axusta á realidade. De poñerse en marcha, tería antes que comezar unha campaña de "culturización" televisiva, non só na audiencia, senon tamén entre os empresarios.
Comunicación - 16 Decembro 2004
Outra vez temos que contar as desventuras dos colegas de profesión e, novamente, por inxusticias inxustificadas. Desta vez tocoulle o turno a seis compañeiros de Telecoruña que foron despedidos, sinxelamente, por ter a intención de formar parte dunha lista sindical ou por apoiala. Algo semellante tamén aconteceu hai algún tempo no Diario de Pontevedra, e noutros xornais nos que non se chegou a tanto porque bastou coa intimidación. Cada día se fai máis necesario a unidade da profesión para facer fronte a tanto atropello.
Comunicación - 10 Decembro 2004
A campaña mediática contra o actual Goberno polo "incumplimento" do Plan Galicia está "calando" na xente. Os galegos comezan a mirar con recelo a Madrid, porque, "segundo os xornais, Zapatero quere quitarlle as obras a Galicia". O PSdeG sabe ben disto, pero se ve "impotente" para remediar a situación. "Os galegos tampouco son parvos e saben ben quen minte e quen non", se limitan a respostar. Pero, no fondo, estan "fastidiados" porque son sabedores de que a batalla mediática teñena perdida de antemán.
Comunicación - 08 Decembro 2004
Cóntannos que a semana pasada se decidiu finalmente o expediente de xubilación anticipada da axencia de noticias Efe. E, ao final, non foi tan anticipada como se preveía. Dos 95 candidatos posibles en todo o Estado, só se interesaron 48 traballadores, dos que finalmente quedaron fóra 25, un deles da delegación de Galicia. Éstes se reuniron co presidente de Efe, Álex Grijelmo, quen lles intentou vender o "gran proxecto" de futuro da axencia. "Se creramos nel non estariamos aquí querendo prexubilarnos", foi a resposta da maioria. Dende aquí lle transmitimos moito ánimo aos compañeiros de Efe que non tiveron a sorte de estar entre os 23 agraciados.
Comunicación - 08 Decembro 2004
Tamén na axencia de noticias Europa Press se van a producir cambios nos próximos días. Dous dos seus xornalistas deixarán o barco para tentar sorte en empresas maiores. Un deles recalará na Xunta, mentres que o outro marchará a un novo xornal dun gran grupo empresarial que se publicará en Vigo. Dende aquí tamén lle queremos enviar a nosas felicitacións e ánimos para o futuro.
Comunicación - 01 Decembro 2004
Na dirección do PSdeG están que trinan cos medios de comunicación. Están seguros de que o PPdeG está cizañando (ademáis de prometer suculentas prevendas) para provocar que os medios se enfrenten aos socialistas.
Comunicación - 30 Novembro 2004
Finalmente o ex director xeral do Grupo El Progreso, Antonio Couto, gañoulle a partida ao novo, Jesús Parga. Logo do despido do primeiro pola chegada do ex director xeral de Relacións para os Medios Informativo á gran Casa lucense, Couto pleiteou polos dereitos da Gran Enciclopedia Galega Silverio Cañada, un megaproxecto polo que o grupo El Progreso pensaba sacar unha boa tallada.
Comunicación - 29 Novembro 2004
A pasada semana o Congreso aprobou o Estatuto do Xornalista, unha iniciativa que impulsou, especialmente, a Federación de Sindicatos de Periodistas(Fesp). Cóntannos que ata última hora o PSOE non deu o seu brazo a torcer e se o fixo foi polas ameazas dos xornalistas que lle lembraron a diputados, ministros e ata o propio Zapatero que durante a campaña electoral comprometerase (con sinatura incluida) a apoiar esta iniciativa. Finalmente, as presións do grupo Prisa e de Vocento sobre o Goberno non surtiron efecto, só, polo momento...
Comunicación - 26 Novembro 2004
O discurso que o editor da Voz, Santiago Rey, leu onte ante a "crême de la crême" da sociedade galega durante a entrega dos premios Fernández Latorre non ten desperdicio. Volveu lembrar o compromiso deste xornal co cumplimento do Plan Galicia e dixo máis:
Comunicación - 26 Novembro 2004
Tal como dicíamos, a batalla por facerse co control das futuras canles dixitais vai ser encarnizada. Hai moitos aspirantes e a Xunta xa se está frotando as mans. O PPdeG negouse onte a que se fale no Parlamento sobre as características do futuro concurso de adxudicacións destas canles.
Comunicación - 25 Novembro 2004
Cóntannos que foi moi interesante a batalla dialéctica que mantiveron o presidente da Federación de Asociacións da Prensa de España (Fape), Fernando González-Urbaneja, e o presidente da Federación de Prensa de Vigo, Fernando Ramos, nas xornadas de comunicación de Vilalba.
