Por Francisco Maceira: Estimado ferroviario: Xa sei que Galiza é un país marabilloso para vivir. Pero eu, que son o que escribe o artigo de opinión, opino que moita calidade de vida non debe haber cando os rapaces marchan fóra a traballar. Cando a xente ten que recorrer á sanidade privada porque as listas de espera na pública son eternas. Cando os vellos morren sin lles chegar a dependencia. Atendidos por familiares que fan o que poden, ou amontonados nunha residencia. Nunha residencia rotulada como “Xunta de Galicia” cando en realidade é un negocio privado dalgún amigo/a dos nosos mandatarios. Recrimíname vostede a falta de datos e que as afirmacións que fago non teñen base algunha. Dúas cousiñas que xa non son opinión, senón números e estudios obxectivos. Galiza ten a pensión media de xubilación máis baixa de toda España. Galiza é unha das comunidades de España con peor calidade de vida según un informe do Instituto Nacional de Estadística.