García Bouzas, novo director de deportes da TVG

Comunicación - 06 Outubro 2005

O director da Axencia Galega de Noticias (AGN), Xoán Manuel García Bouzas, será o novo director de deportes da TVG en sustitución de Fernando Rodríguez Madriñán. García, que xa ten experiencia en deportes no ente público, incorporarase a vindeira semana. Con esta baixa xa son cinco os profesionais que deixan AGN tras o cambio de goberno, unha axencia que pode ser remodelada polo Grupo El Progreso nas vindeiras semanas para convertila en delegación dos xornais El Progreso e Diario de Pontevedra.

Nace RADIODIFUSIÓN

Comunicación - 06 Outubro 2005

As Emisoras Municipais Galegas remitennos un comunicado para informar do comezo este luns dunha programación conxunta, RADIOFUSION, un espacio que se pode escoitar en Radio Allariz, Radio Redondela, Radio Tui, Radio Negreira, Radio Arzúa, Radio Eume (As Pontes), Radio Fene e Radio Foz. EMUGA indica que nos vindeiros dias iránse sumando novas emisoras ao proxecto ata superar as 25 estacións.

Máis sobre a CRTVG

Comunicación - 05 Outubro 2005

Coa chegada de Benigno Sánchez á dirección da CRTVG parece que se paralizaron, polo menos momentáneamente, as protestas dos case 100 traballadores contratados que nos últimos meses teñen ido ao paro ou estaban ameazados con ir a partir deste mes...

Novos confidenciais

Comunicación - 05 Outubro 2005

Escribennos dende Catalunya para recomendarnos dous novos confidencias en formato blog; Maresme Confidencial e Tumbuctú. O primeiro de ámbito comarcal e o segundo, de ámbito nacional. Agradecemos aos lectores cataláns o seu interese e as súas continuas visitas a Galiciaconfidencial.

Xa hai equipo na CRTVG

Comunicación - 29 Setembro 2005

Ademáis do nomeamento oficial de Benigno Sánchez García como novo director da CRTVG, xa está configurado o futuro equipo do Ente. Suso Iglesias, será director da TVG; Josito Pereiro, xefe de programas e Roberto Cid, xefe de informativos. Na Radio Galega, estará como xefe de programas Xurxo Souto e como xefe de informativos a Manuel Pampín.

Eiroa, despedido

Comunicación - 26 Setembro 2005

O vetererano xornalista de Radio Vigo, Eugenio Eiroa Franco, ven de ser despedido da dirección desta emisora radiofónica. O seus encontronazos co director e as enemistades con parte da clase política da cidade parecen estar detrás desta decisión...

Avances no culebrón CRTVG

Comunicación - 23 Setembro 2005

As conversas entre Losada e Salgado parace que comezan a dar os seus froitos e xa hai avances considerables. Tanto o PSdeG coma o BNG estarían dispostos a repartirse os postos directivos da CRTVG; deste xeito, os socialistas nomearían ao director da compañía e aos xefes de informativos, programación e producción e os nacionalistas ao director da TVG e a todo o staff da Radio Galega. Para o primeiro posto, o PSdeG busca un perfil universitario, que mesmo podería non ter nada que ver co mundo audiovisual. O BNG, pola contra, aposta por unha persoa da casa, un nome que xa se apuntou nos foros de Galicia Confidencial; Suso Iglesias, un dos impulsores do Xabarín, para director da TVG. Para o resto de cargos na TVG sonan nomes coma os de Roberto Cid ou Pastor Lorenzo.

Críticas do comité interempresas da CRTVG

Comunicación - 14 Setembro 2005

Tal e como xa anunciamos neste confidencial, os sindicatos están tremendamente cabreados pola tardanza do novo goberno en designar unha nova dirección na CRTVG. Un sentemento que lle teñen expresado directamente a Fernando Salgado e Antón Losado, cos que mantiveron xa senllas xuntanzas...

Continúa a incertidume na CRTVG

Comunicación - 07 Setembro 2005

Hai unha grande incertidume sobre o futuro da CRTVG. Os traballadores do ente están moi nerviosos porque pasan os días e non se alvisca unha solución aos novos cargos e a filosofía futura da "casa".

Os despidos de La Voz

Comunicación - 04 Setembro 2005

Un dos xornalistas máis destacados de La Voz de Galicia, Anxo Lugilde, deixa este medio. Según informaron a este confidencial diferentes compañeiros de profesión, Lugilde case que foi despedido, aínda que chegou a un acordo coa dirección do xornal coruñés para poñer fin ao seu contrato. Este adeus fixose efectivo tras a presentación do libro que o xornalista ferrolán realizou en colaboración con Xosé Carreira, "El fin del fraguismo", a finais do pasado mes. Tamén se comenta que o propio director do xornal, Bieito Rubido, podería ter os días contados en La Voz, sobre todo, tras o cambio de goberno na Xunta.

O futuro da CRTVG

Comunicación - 30 Agosto 2005

PSOE e Bloque aínda non se puxeron de acordo sobre o futuro director da CRTVG. A elección deste cargo terá lugar o próximo mes despois da xuntanza do comité de seguimento creado ó respecto e ó fronte do que estarán Fernando Salgado, polo PSOE, e Antón Losada, polo BNG...

A influencia dos xornalistas

Comunicación - 12 Agosto 2005

Segundo unha enquisa realizada entre os lectores de Actualidad Económica, o gremio dos xornalistas é considerado como un dos máis influintes na sociedade. Pedrojota, Gabilondo ou Jiménez Losantos copan os primeiros lugares da lista.

Salgado, secretario xeral de Comunicación

Comunicación - 02 Agosto 2005

Tal e como xa apuntou Galiciaconfidencial o pasado 9 de xullo, Fernando Salgado será o vindeiro secretario xeral de Comunicación, un área que integrará o que hoxe é a Secretaría Xeral para as Relacións cos Medios Informativos, a Dirección Xeral de comunicación e Audiovisual e a Compañía de Radio Televisión de Galicia (CRTVG), cargo para o que o propio Salgado tamén sonou.

A futura comunicación do BNG

Comunicación - 01 Agosto 2005

Nos últimos días tense rumoreado, e mesmo publicado pola Voz de Galicia, que o politólogo Antón Losada recalará na futura Xunta para dirixir a política de comunicación das áreas que dirixirá o BNG.

Os medios galegos contra Fraga

Comunicación - 29 Xullo 2005

Todos os xornais galegos, agás a Voz de Galicia, critican hoxe a negativa do Goberno galego a adxudicar as licencias dixitais. Tal e como avanzou onte este confidencial, a medida causou unha profunda indignación entre os grupos de comunicación galegos que quedaron excluidos das licencias das emisoras locais. Co titular 'Lamentable depedida del Gobierno de Fraga' o Faro de Vigo adicalle un editorial moi duro ao presidente da Xunta. Tamén o director de El Correo Gallego, Luis Pousa, fai o mesmo noutro crítico artigo.

As opinións de Santiago Rey

Comunicación - 25 Xullo 2005

O editor de La Voz de Galicia, Santiago Rey Fernández-Latorre, un dos premiados coa medalla Galicia 2005, volveu hoxe defender o cumplimento do Plan Galicia pero sinalou que "hay otras cosas mejor" que reclamar a débeda histórica ou a reforma do Estatuto...

Chegou a loteria para o Grupo Voz e COPE

Comunicación - 22 Xullo 2005

A Xunta adxudicou, finalmente, as duas canles de televisión dixital terrestre de ámbito autonómico ao Grupo Voz e á Cadena Cope, por un prazo de 20 anos prorrogabre outros 20 anos. Quedan fora a coalición de medios galegos entre os que figuraban Faro de Vigo, El Correo Gallego, La Región, El Progreso, El Ideal Gallego y el Grupo Filmax...

A política de medios da futura Xunta

Comunicación - 20 Xullo 2005

O vindeiro goberno ten unha pataca moi quente coa política de medios e tamén coa política lingüística. A solución á que chegaron PSdeG e BNG non solventa os problemas de raíz, porque aínda que a CRTVG, a Secretaría Xeral de Medios e a futura Secretaría Xeral de Política Lingüística dependan directamente de Touriño, o nomeamento destes cargos e a política de subvencións a decidirán ambos os dous partidos. "Que non den botes de alegría os socialistas porque haberá unha marcaxe moi directa", alertan dende as filas nacionalistas que aseguran que todo o que se faga nestes organismos será por "consenso".

Ás voltas coa intoxicación

Comunicación - 18 Xullo 2005

Entre o gremio xornalístico hai un cabreo monumental coas direccións do PSdeG e do BNG pola información de La Voz de Galicia do pasado sábado, na que se daba conta da composición case definitiva do futuro goberno galego. Ambas as dúas formacións negan ter sido os responsables e se acusan mútuamente das "intoxicacións" aos medios de comunicación. Nembargantes, as pesquisas deste confidencial confirman que os autores das filtracións a La Voz poden ter que ver con dirixentes socialistas coruñeses que actuaron á marxe de Emilio Pérez Touriño.

Ás voltas coas estratexas de comunicación

Comunicación - 12 Xullo 2005

Tal e como xa comentamos aquí hai moitos problemas entre o BNG e o PSdeG á hora de trasladar aos medios de comunicación as negociacións que están tendo lugar estes días. Precisamente, porque uns e otros tentan vender o que lles pode ser más favorable mediáticamente...

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.