Comunicación - 29 Xullo 2005
Todos os xornais galegos, agás a Voz de Galicia, critican hoxe a negativa do Goberno galego a adxudicar as licencias dixitais. Tal e como avanzou onte este confidencial, a medida causou unha profunda indignación entre os grupos de comunicación galegos que quedaron excluidos das licencias das emisoras locais. Co titular 'Lamentable depedida del Gobierno de Fraga' o Faro de Vigo adicalle un editorial moi duro ao presidente da Xunta. Tamén o director de El Correo Gallego, Luis Pousa, fai o mesmo noutro crítico artigo.
Comunicación - 25 Xullo 2005
O editor de La Voz de Galicia, Santiago Rey Fernández-Latorre, un dos premiados coa medalla Galicia 2005, volveu hoxe defender o cumplimento do Plan Galicia pero sinalou que "hay otras cosas mejor" que reclamar a débeda histórica ou a reforma do Estatuto...
Comunicación - 22 Xullo 2005
A Xunta adxudicou, finalmente, as duas canles de televisión dixital terrestre de ámbito autonómico ao Grupo Voz e á Cadena Cope, por un prazo de 20 anos prorrogabre outros 20 anos. Quedan fora a coalición de medios galegos entre os que figuraban Faro de Vigo, El Correo Gallego, La Región, El Progreso, El Ideal Gallego y el Grupo Filmax...
Comunicación - 20 Xullo 2005
O vindeiro goberno ten unha pataca moi quente coa política de medios e tamén coa política lingüística. A solución á que chegaron PSdeG e BNG non solventa os problemas de raíz, porque aínda que a CRTVG, a Secretaría Xeral de Medios e a futura Secretaría Xeral de Política Lingüística dependan directamente de Touriño, o nomeamento destes cargos e a política de subvencións a decidirán ambos os dous partidos. "Que non den botes de alegría os socialistas porque haberá unha marcaxe moi directa", alertan dende as filas nacionalistas que aseguran que todo o que se faga nestes organismos será por "consenso".
Comunicación - 18 Xullo 2005
Entre o gremio xornalístico hai un cabreo monumental coas direccións do PSdeG e do BNG pola información de La Voz de Galicia do pasado sábado, na que se daba conta da composición case definitiva do futuro goberno galego. Ambas as dúas formacións negan ter sido os responsables e se acusan mútuamente das "intoxicacións" aos medios de comunicación. Nembargantes, as pesquisas deste confidencial confirman que os autores das filtracións a La Voz poden ter que ver con dirixentes socialistas coruñeses que actuaron á marxe de Emilio Pérez Touriño.
Comunicación - 12 Xullo 2005
Tal e como xa comentamos aquí hai moitos problemas entre o BNG e o PSdeG á hora de trasladar aos medios de comunicación as negociacións que están tendo lugar estes días. Precisamente, porque uns e otros tentan vender o que lles pode ser más favorable mediáticamente...
Comunicación - 11 Xullo 2005
Logo dunha semana de negociacións o PSdeG decatouse de que falar de débeda histórica é moi perigoso e onde dixo digo, agora di Diego. Por iso, Touriño deu ordes de que, a partir de agora, se fale de "déficits", a pesar de que el mesmo se referiu, en numerosas entrevistas, á "débeda histórica" que o Estado ten contraida con Galicia.
Comunicación - 09 Xullo 2005
Xa hai posibles candidatos para ocupar a dirección da CRTVG e a Secretaría xeral de Medios. O primeiro, ben visto polos nacionalistas e aceptado polos socialistas. No segundo, é o PSdeG quen tomou cartas no asunto, aínda que o BNG non se oporía a este nomeamento.
Comunicación - 05 Xullo 2005
Dende Galiciaconfidencial facemos un chamamento aos nosos lectores e, especialmente, aos participantes nos distintos foros, para que respeten a liberdade de expresión e eviten os insultos, as ameazas e as malas formas. Dende este medio non temos por norma censurar ningún tipo de comentarios e así nos gustaría seguir facendo, pero pedimosvos que utilicedes a argumentación e a razón antes que os insultos. Dialogar, negociar e compartir distintas visións da realidade e da política deste país, independentemente de ideoloxías ou formas de vida, debería axudar a entendernos para facer unha sociedade e un país mellor. Animamosvos a que o sigades facendo con sentido. Moitas gracias a todos.
Comunicación - 05 Xullo 2005
Rumorease, tanto dende fontes socialistas coma nacionalistas, que o dominio da comunicación na Xunta tamén será compartida. Ademáis da Secretaría Xeral de Medios, que sería para o PSdeG e que coordinaría todas as políticas de comunicación e se encargaría da relación cos medios, creariase un novo cargo; o de director de comunicación da Xunta, que podería recaer no BNG e que se encargaría de coordinar a comunicación interna, especialmente entre a Presidencia, a Vicepresidencia e as consellerías.
Comunicación - 04 Xullo 2005
Con alevosía e premeditación, así podería ser calificada a carta de despedida que recibiron o pasado 2 de xullo 130 traballadores temporais da CRTVG, tanto da Radio coma da Televisión. A cousa xa se vía vir, pero non houbo explicacións convincentes nin unánimes; uns dicían unha cousa e outros, outra. Entre as hipótesis que circulan e que teñen chegado a esta redacción salientamos algunhas...
Comunicación - 01 Xullo 2005
O PP decidiu prescindir do gabinete de comunicación que traballou durante a campaña electoral, incluida a xefa do mesmo. Deste equipo só queda unha persona que pode ser relevada en poucos días. Segundo puido saber este confidencial, a dirección popular "quere facer sitio" a xente que veña da Xunta, algúns deles moi significados políticamente. Dende aquí amosamos a nosa solidaridade cos traballadores despedidos e desexamoslle sorte no futuro.
Comunicación - 17 Xuño 2005
Acaba de nacer un novo blog sobre as eleccións galegas que pretende expresar o "descontento" da sociedade galega co "descaro" do Goberno Fraga" e coa intención de "crear esperanza" para o 19X.
Comunicación - 15 Xuño 2005
Ferraz desembarcou na campaña do PSdeG e Xénova na do PPdeG. Os medios despregados por estes partidos son os propios dunhas eleccións xerais; tanto en material humano como tecnolóxico. Ata seis persoas teñen os socialistas e os populares para atender aos medios de comunicación, algo que se agradece. Non acontece o mesmo no BNG, onde os medios son máis modestos. Tan só unha persoa atende aos xornalistas, algo que xa ten provocado máis dun roce.
Comunicación - 14 Xuño 2005
Nesta campaña electoral non se contan todas as verdades. Na prensa galega pasaron, prácticamente, desapercibida as declaracións de Fraga comparando aos indecisos coas mulleres "que non din con cantos homes se deitan". E non foi polo seu contido informativo, senon por recomendación directa das altas esferas da Xunta de Galicia.
Comunicación - 09 Xuño 2005
Definitivamente estas eleccións son as das enquisas. Os tres partidos viven pegados aos sondeos electorales, aos propios e aos alleos, epecialmente o PPdeG e o PSdeG, que realizan estudios periodicos. Ambas formacións utilizan os medios para filtrar os seus estudios, pero as veces a precipitación xoga malas pasadas.
Comunicación - 09 Xuño 2005
Este nerviosismo do que falamos tamén se traslada á campaña electoral. Populares e socialistas non deixan traballar con liberdade aos medios gráficos. Segundo denuncia o Sindicato de Xornalistas de Galicia o PP impide a súa entrada aos mítines e o PSdeG deixa grabar só dous minutos iniciais. Segundo nos contan, cando se lle recriminou este feito a Pepe Blanco respostou: "aquí todos xogamos en igualdade de condicións. Se o PP o fai nós non imos quedar atrás".
Comunicación - 31 Maio 2005
Os roces que mantiñan La Voz de Galicia e o PsdeG convertéronse nunha guerra aberta. Tras a publicación, por parte de El País, das subvencións que cobran os medios galegos, este xornal prometeu venganza. Culpan directamente a Pepe Blanco de ser o inductor desta nova. A primeira medida que tomaron foi a de tentar ocultar "o máis posible" ao candidato socialista. A segunda verémola durante a Campaña. A dirección encargou a xornalistas de confianza, os que se encargan da sección do Plan Galicia (directamente supervisada por Bieito Rubido), cubrir a campaña electoral. O coordinador desta sección, Lois Blanco, pola contra, foi destinado á delegación de Vigo.
Comunicación - 26 Maio 2005
Nunca unha folga xenerou tal disparidade de datos. Dende a dirección da CRTVG sinalan que tan só o 30% dos traballadores a secundaron, mentres que dende o Comité de Empresa din que foron máis do 90%. O que sí salientaron a este confidencial quenes secundaron a folga foi a participación na mesma dos contratados temporais, que supoñen o 80% da plantilla. "É unha actitude digna e moi valente porque estes sí que se xogan o pelexo", apuntaron.
Comunicación - 25 Maio 2005
O cese de Valentín Tato como director da emisora de RNE en Santiago xenerou unha forte reacción por parte dalgúns traballadores do ente público. O pasada semana o Comité Intercentros de RNE emitiu unha comunicación en apoio de Tato. Nembargantes, onte mesmo, a asamblea de traballadores desta emisora na Coruña saiu en defensa da directora de RNE-Galicia, Celia Díaz. Reproducimos ambos os dous comunicados.
