Comunicación - 15 Abril 2005
Hoxe en todos os xornais galegos aparece unha publicidade a doble páxina sufragada pola Secretaría Xeral para as Relacións cos Medios Informativos no que se critican os incumplimentos do Goberno central no Plan Galicia. "¿Que avances se produciron co novo Goberno Central?... O Plan Galicia está paralizado", apunta. A sua ubicación -nas seccións de Galicia ou local dos xornais- fai que todos os galegos paguemos arredor de 2,5 millóns e 500.000 das antigas pesetas por estas publicidades. En total, arredor dos 10 millóns de pesetas.
Comunicación - 15 Abril 2005
O pasado luns Fraga tivo un pequeno incidente mentres participaba nun acto institucional. Ao subir a un estrado, esbarou e caiu. Este feito non tería ningunha repercusión se alí non estiveran as cámaras da TVG e da TVE. Cos primeiros o PPdeG non ten ningún problema porque xa censurou algunha imaxe deste tipo, pero cos segundos non pasa o mesmo dende que ZP gañou as eleccións. Así que 'teletouriño', como agora chaman os populares á TVE, decidiu abrir o informativo desa noite coas imaxes en cuestión.
Comunicación - 14 Abril 2005
Onte o editor de La Voz de Galicia conseguiu xuntar nunha mesma mesa a Rajoy, Blanco, Vázquez, a ministra Elenena Espinosa ou o secretario de Estado José Luis Méndez. Todo para escoitar o seu discurso sobre a "liberdade de prensa" nunha conferencia que abriu o Foro da Nova Economía. Volveu cargar contra o Goberno central e contra os medios que se "venden" por subvencións e axudas. Contra estas actitudes, puxo como exemplo a "independencia" do seu xornal. Falou de case todo menos das condicións laborais e os dereitos dos profesionais da información a exercer un traballo digno e sen presións mediáticas. Consultade a súa intervención aquí. Cóntannos que tras a súa conferencia mantivo unha animada conversa con Rajoy e Blanco, con Vázquez de espectador. Rajoy e Blanco tamén intercambiaron impresións sobre a actualidade política durante a velada.
Comunicación - 14 Abril 2005
O Faro de Vigo estase acercando ó PSOE. Tras unha conversa mantida polo Secretario de Organización deste partido, José Blanco, cos directivos do xornal, o rotativo máis importante de Pontevedra decidiu dar unha viraxe na súa política informativa. Unha boa mostra disto o podemos ver nunha entrevista publicada o pasado domingo. Outro xornal que tamén se foi acercando ao PSOE nos últimos meses foi El Progreso de Lugo, de onde é natural, precisamente, Pepe Blanco. Sen embargo, a espiña dos socialistas galegos segue sendo La Voz de Galicia, do que din que é a "voz" da Xunta e de Núñez Feijoo
Comunicación - 07 Abril 2005
O intercambio de dosieres e as filtaracións dos beiristas e da dirección son tal que sementan máis confusión sobre o futuro de Beiras. Os primeiros pretenden darlle a volta aos titulares e noticias sobre a "presunta soiedade" de Beiras, mentres que os segundos suliñan que, agora, o presidente do Consello Nacional está "máis só que nunca e sen apoios".
Comunicación - 03 Abril 2005
O secretario xeral de relacións cos medios informativos da Xunta, Alfonso Cabaleiro, é un mestre niso de facer o seu traballo. Non dubida en tratar esquisitamente ós xornalistas que cubren, habitualmente, a información do presidente galego, Manuel Fraga. Por iso, non retranquea á hora de convidalos a comer en bos restaurantes ou mesmo, de regalarlles mp3 como presentes de Nadal. O problema é que algúns destes xornalistas están un pouco "contrariados" porque Cabaleiro tan só tivo esa deferencia -a dos mp3- con algúns e non con outros.
Comunicación - 01 Abril 2005
Tanto o Sindicato de Xornalistas de Galicia (SXG) coma o Colexio Profesional de Xornalistas de Galicia (CPXG) enviaron hoxe sendos escritos nos que critican a actitude do rexedor coruñés, Francisco Vázquez, e lle piden que se desculpe.
Comunicación - 23 Marzo 2005
Semella que á alcaldesa viguesa tamén se lle subiron os fumes á cabeza e cando lle preguntan algo molesto, responde con evasivas e tentando ridiculizar a quen fai a pregunta. Sucedeu o pasado venres nunha rolda de prensa sobre a instalación dunha Depuradora na Zona Franca. Preguntabaselle por cuarta vez se xa falara co delegado (se supón que da Zona Franca) e ela, moi pizpireta, respondeu que o delegado do Goberno estaba na Coruña e non tiñan nada que falar... Logo, ó final acercouse á xornalista en cuestión para seguir vacilando e a contestación deixouna fría...
Comunicación - 17 Marzo 2005
Tras silenciar durante os últimos días as denuncias de BNG e PPdeG sobre a compra dunha casa no número 22 da rúa Tabernas por parte de Francisco Vázquez, por fin, hoxe, a Voz de Galicia da cumprida conta na sua edición galega do pleno que tivo lugar onte no concello coruñés. Non pasa o mesmo con Ence, unha problematica na que o xornal se posicionou, claramente, a favor da continuidade da papeleira na Ría de Pontevedra. Os intereses económicos que existen detrás desta empresa e a boa relación do alcalde coruñés co xornal son o que explican as orientacións informativas de La Voz nestes casos. Consulta a información sobre Vázquez aquí.
Comunicación - 16 Marzo 2005
Un compañeiro informanos da existencia dun confidencial basco que non tiñamos enlazado. Botamoslle unha ollada é ten moi boa pinta. Consultadeo en www.izaronews.com . En breve o poremos na nosa lista de confidencias.
Comunicación - 14 Marzo 2005
Esta páxina pon a vosa disposición un Diario de Confidenciais. Nesta sección poderedes acceder aos confidencias galegos e do resto do Estado sen ter que andar buceando na rede. Pinchade aquí ou na mesma imaxe da parte superior dereita desta páxina.
Comunicación - 09 Marzo 2005
Como xa temos dito aquí en varias ocasións, a orientación xornalística dunha mesma cadea non é a mesma, sobre todo no tratamento de acontecementos locais. Pasou coa Ser Vigo durante a crise de goberno que levou a Ventura Pérez Mariño a deixar a alcaldía e está a pasar agora en Ser Pontevedra. E é que a factoría Ence negociou un paquete de publicidade que impide colarse en horario de máxima audiencia calquera outra cuña publicitaria que non fale dos beneficios que a papeleira ten para a cidade e a ría.
Comunicación - 03 Marzo 2005
A consellería de Medio Ambiente tivo que dar marcha atrás precipitadamente o pasado martes ao negar a varios medios de comunicación a existencia de placas de chapapote en Carnota. Ao comprobar que o Comisionado do Prestige, que agora depende do Goberno central, e polo tanto do PSOE, corroborou as denuncias de Adega, o gabinete de Xosé Manuel Barreiro tivo que recuncar e volver chamar aos medios para desdecirse. Xa non é a primeira vez que dende esta consellería se fan cousas semellantes e os xornalistas comezan a estar fartos dos seus dimes e diretes.
Comunicación - 27 Febreiro 2005
Hoxe constituíuse oficialmente o Sindicato de Xornalistas de Galicia cunha base de preto de 160 profesionais da comunicación de todo o país. Os seus obxectivos: conseguir un convenio marco da profesión que regule horarios, contratos, condicións laborais e prácticas. Ademais tentará controlar os contratos de autónomos e os dereitos de autor de imaxes e textos, así como regularizar a creación dos consellos de redacción.
Comunicación - 25 Febreiro 2005
Queixabanse, e moito, os poncios socialistas e nacionalistas polos manexos do ex director de Informativos de TVE, Alfedo Urdaci, e resulta que no Goberno de ZP xa hai quen o comeza a imitar e, mesmo, superar. Bo exemplo disto son os manexos da superministra Magdalena Álvarez, alias Malena, coa xestión informativa do afundimento do 'Siempre Casina'. Só permitiu a entrada no barco de Salvamento Marítimo que reflotou o barco á axencia Efe e ás cámaras de TVE, os dous medios dependentes do Goberno.
Comunicación - 25 Febreiro 2005
E a outro que lle gusta moito o control dos medios de comunicación galego é ao conselleiro de Xustiza, Xesús Palmou, quen o mércores adicouse a chamar ás axencias de información e aos xornais para puntualizar que o consenso no Parlamento pola creación da Policía Galega era froito das súas xestións. Quería ser o protagonista no día no que o seu proxecto estrela era aprobado polo Consello da Xunta. O peor de todo é que moitos medios picaron ou pasaron polo aro e así se entende que, mesmo, chegara a solapar ao propio Fraga, nas páxinas dos xornais.
Comunicación - 17 Febreiro 2005
Na súa recente viaxe a Bruxelas para evitar que Galicia perda os fondos europeos como rexión obxectivo nº1, o secretario xeral do PP, Xesús Palmou, levou con el a varios colegas da prensa, concretamente de La Voz de Galicia, de El Correo Gallego e de La Región, ademáis do fotógrafo habitual nestas viaxes da Axencia Galega de Noticias (AGN).
Comunicación - 06 Febreiro 2005
Localia TV vai camiño de conseguir o título á mellor xestión empresarial do ano. Logo de despidos masivos en Vigo, Santiago e Coruña e de "institucionalizar" o de contratar persoal en práctivas, despois de baixar o nivel do xornalismo a cotas nunca vistas e mesmo contratar por horas como nas obras da construcción, agora tócalle o turno a Ferrol. Nesta cidade acaban de despedir a seis compañeiros porque as contas non dan, con nin sin eles. Así que se vai reproducir o esquema doutros sitios; un xefazo cobrando un pastón e uns curritos que non superan case os 20 anos en prácticas cobrando o incobrable.
Comunicación - 02 Febreiro 2005
Pouco máis de 11 euros é o que custa a hora de traballo dun xornalista en Localia Vigo. Logo de sanear a emisora, con despidos masivos incluidos, os xestores desta canle -que proceden do Grupo Prisa- están contratando a xornalistas por horas. Esa é a nova política de empresa para aforrar custes. Utilizar aos traballadores dos medios en horas puntuais, sen contrato e só cando sexan necesarios.
Comunicación - 01 Febreiro 2005
Resulta curioso como a "propaganda institucional" da Xunta sobre o Plan Galicia, que tanto critican nacionalistas e socialistas, chegue tamén a medios de comunicación nada sospeitosos de ser do réxime. Este é o caso do último número do semanario A Nosa Terra que inserta toda unha páxina sobre as obras deste plan pagada pola Xunta de Galicia.
