A selección galega é unha "pavada"

Deportes - 05 Marzo 2005

O presidente galego considerou que a creación dunha selección galega de fútból é unha "pavada" e sinalou que o máis importante agora é potenciar a canteira dos equipos galegos antes que contratar xogadores extranxeiros.

A guerra entre Fran e Lendoiro

Deportes - 28 Febreiro 2005

Fran e Lendoiro non se falan dende hai máis dun ano, xusto despois de que o xogador denunciara o clube por impago. E iso o presidente non llo perdoa. Por iso négalle unha homenaxe en condiccións e utiliza a escusa do "Superdepor" para lembrar as grandes figuras deste equipo, coma Bebeto, Rekarte ou Ribera, ademáis de Fran e Mauro Silva. Nunha entrevista no País Lendoiro mesmo chega a dicir cousas coma esta:

O Pontevedra revive

Deportes - 28 Febreiro 2005

O Pontevedra comeza a resucitar, aínda que paseniñamente. As tácticas de Argibay están dando resultado, ó igual que os reforzos de inverno. O gardamaias Moso estivo espectacular contra o Tenerife, pero a realidade é que o equipo está aínda a 10 puntos da salvación. Por certo, na primeira fase da conversión do clube en S.A. os socios téñense feito tan só co 0,8% das accións. Haberá que agardar á segunda e, sobre todo, a última fase, que será cando se saiba quen vai ser o comprador do clube.

Vázquez, o resucitado

Deportes - 28 Febreiro 2005

O adestrador do Celta, Fernando Vázquez, foi o grande heróe da xornada de onte e un dos nomes máis coreados polos afecioados que mesmo o agardaron á saída para felicitalo. O de Castrofeito vive un dos seus mellores momentos no Celta xa que conseguiu situar ó equipo como primeiro da Segunda División. Pero Vázquez conta con dous santos no equipo; san Gustavo López e San Canobbio, que son o corazón do Celta na actualidade. A afeción xa pide a berros a continuidade do adestrador.

"Ese es un payaso"

Deportes - 28 Febreiro 2005

Con esta contundente frase referiuse onte o presidente do Racing de Ferrol, Isidro Silveira ó colexiado murciano MARTINEZ FRANCO que foi o auténtico protagonista do partido ó deixar ó equipo ferrolán en inferioridade numérica dende o minuto 36, rematando o encontro con oito xogadores e co adestrador Juan Veiga na bancada. Éste acusou directamente ó árbitro de "roubar" o partido para favorecer ó Murcia, próximo rival do Ferrol e tamén con problemas na táboa de Segunda. Na dirección racingista xa falan de "primas" e de "maletíns", aínda que as verbas do seu presidente pódenlle traer problemas coa Federación.

E moito ánimo en Pontevedra

Deportes - 21 Febreiro 2005

A victoria contundente ante o Valladolid devolveu a moral ó equipo de Arguibay que comprobou como o retiro de Melgaço fixo efecto nos seus xogadores. O próximo rival é o Tenerife e unha victoria nas illas Canarias sería vital para pensar na permanencia.

A UEFA, meta do Depor

Deportes - 21 Febreiro 2005

O Depor non acaba de arrancar e nos últimos partidos só o está salvando a firmeza e visión de xogo de Coloccini. O partido ante o Betis foi unha miseria tácticamente e nin Valerón, nin Tristán están no seu mellor momento. As críticas volven a arreciar contra Jabo Irureta, que sigue sin escoitar ós afecioados que lle piden, con urxencia, un cambio táctico moito máis ofensivo. Na directiva deportivista comezan a ter claro que este ano, se hai algún obxectivo, é conseguir meterse na UEFA.

A Directiva non quere a Vázquez

Deportes - 14 Febreiro 2005

O Celta colleulle, finalmente, o ritmo á Segunda división. A victoria ante o Sporting meteo xa en postos de ascenso a Primeira. Un traballo no que ten moito que ver o seu adestrador, que logo dos problemas de comezos da Liga, conseguiu imprimirlle ó Celta os folgos que necesita. Pero Vázquez conta con moitos inimigos no equipo, empezando pola Directiva e, sobre todo, o secretario técnico, Félix Carnero. A súa fichaxe, que foi cousa exclusiva do presidente, Horacio Gómez, non gustou nada e, dende que chegou, lle están facendo a vida imposible. Non contaron con él para ningunha fichaxe, enterouse do de Giovanella pola prensa, e, aínda así, ten a vontade de levar o clube a Primeira. Pero, xa dixo ós seus máis íntimos, que a vindeira tempada non seguirá no clube. Son moitas as puñaladas que leva e xa non atura máis.

Moncho gaña enteiros

Deportes - 14 Febreiro 2005

O adestrador do Leche Río Breogán vai gañando enteiros no clube. A pesares do seu divorcio con boa parte da afeción, Moncho López conta co total respaldo da directiva do clube lugués. A efectividade de Bell está sendo vital para que o equipo gañe partidos fundamentais como o do Caja San Fernando e o obxectivo do ex adestrador nacional é meter o Breo nos play off.

Mirón podería deixar o Pontevedra

Deportes - 14 Febreiro 2005

Xa non hai salvación para o Pontevedra. Só un miragre conseguiría que os granates non baixaran a Segunda B. Ós afecioados non lles gusta o xeito de xogo do novo adestrador Argibay e reclaman a volta de Gay. As fichaxes que fixeron no mercado de inverno non funcionan e cando o fagan xa estarán descendidos. O presidente Mirón podería deixar a Presidencia se o clube baixa a pesares de que a él ninguén lle bota a culpa.

Irureta ten vía libre... ata final da Liga

Deportes - 13 Febreiro 2005

O adestrador do Depor ten vía libre para facer os cambios que considere oportunos, polo menos ata o final da Liga. Logo, dependendo dos resultados, xa se verá se continúa ou marcha do clube. No partido de onte contra o Valencia a parella de centrais Coloccini-Andrade foi do máis efectivo da Liga, pero a de Valerón e Tristán non funciona. Son moitos os afecioados que lles recriminan a súa actitude. Pola contra, quen parece triunfar é Pandiani que no duelo co Liverpool de Rafa Benitez marcou un dos goles da victoria do seu equipo. Tamén son moitos os que non entenden a súa marcha.

Un divorcio anunciado

Deportes - 07 Febreiro 2005

O Depor non arranca, nin con Coloccini, nin con Tristán, nin con Valeron, nin con ninguén. O divorcio entre a afeción e Irureta xa é máis que patente e a pesares de que o donostierra xa dixo que acabará a tempada na Coruña, non está moi claro o seu futuro. O clube deportivista xa se puxo en contacto con Vicente del Bosque para que sexa o revulsivo na próxima tempada, pero, tal como están as cousas, igual adianta a súa chegada.

O Celta soña co ascenso

Deportes - 07 Febreiro 2005

O partido ante o Nástic deixou moi bo sabor de boca porque, sobre todo na segunda parte, se viu o Celta de sempre, ofensivo e gañador. A directiva do clube vigués baralla primar os xogadores se consiguen o ascenso. Agora mesmo están a só un punto. Quen está sorprendendo, e moi gratamente, é o filial. O Celta B, que ó comezo da liga enganchou varias derrotas consecutivas, leva semanas sen coñecer a derrota e encamiñase decidido cara os play-off de ascenso a Segunda B. No clube vigués non descartan que os dous equipos ascendan de categoría, un pleno ó 15 para o seu presidente, Horacio Gómez.

Un clube de segunda B

Deportes - 07 Febreiro 2005

No Pontevedra xa asumen que son un clube de segunda B. A pesares dos 3.500 espectadores que foron a Pasarón, o equipo non logrou pasar do empate co colista. Houbo algún que otro reproche ó presidente, Mirón, polo de gastar os cartos en catro fichaxes que pouco aportaron ó equipo. A afección comeza a estar máis preocupada polo inminente cambio do escudo da entidade granate que polos resultados do Pontevedra.

O Racing apunta algo

Deportes - 07 Febreiro 2005

Os catro goles que lle endosou Mario Bermejo ó Almería van dar moito que falar. O dianteiro ferrolán é xa o máximo goleador da segunda división e comeza a gañar enteiros no mercado futbolístico. O cadro que dirixe Juan Veiga está noveno na Liga pero só a sete puntos do ascenso. Por iso, trala victoria aplastante de onte en Almería, ademáis cun home menos, os xogadores están convencidos (e o seu adestrador tamén) que poden aspirar a máis e non descartan poñer como obxectivo o ascenso.

Moncho teme a marcha de Bell

Deportes - 07 Febreiro 2005

Logo da exhibición protagonizada por Charlie Bell no encontro entre o Leche Río Breogán e o Pamesa Valencia, o adestrador do clube galego, Moncho López, teme que comecen as puxas polo xogador norteamericano, tralo seu magnífico partido do sábado. Bell estaba sendo seguido por duas seleccións grandes e a fazaña de superar os 40 puntos, logo de tres anos sin que ningúen o teña feito, vai contribuir a que aumente o interese por él. O partido do outro día deixanos tamén para a historia o duelo entre Bell (40 puntos) e Rakocevic (30), os máximos realizadores da liga. Todo un partido da NBA...

Coloccini e Lucho González, ó Depor

Deportes - 31 Xaneiro 2005

O empate do Depor en Pamplona sabe a moito, sobre todo porque os da Coruña mereceron a derrota polo mal xogo desplegado ante o Osasuna. Os poucos afecioados que se trasladaron a El Sadar non dubidaron en asubiar a Irureta.

Un xesto para Giovanella

Deportes - 31 Xaneiro 2005

O triunfo do Celta ante o Almería deu un respiro a Vázquez e os xogadores. A pesar de ir quintos na táboa, están a tres do ascenso e dous do primeiro. Pero o xogo segue sen convencer á afeción, que cada vez vai con menos asiduidade a Balaídos. O xesto da xornada foi o que lle adicaron todos os xogadores ó seu compañeiro Giovanella, incluido o gol marcado por Gustavo López. No clube aínda non se explican que puido pasar para o positivo do xogador brasileiro e só o explican por fallos na análese.

Nin Argibay consigue a miragre

Deportes - 30 Xaneiro 2005

Quen non levanta cabeza é o Pontevedra, que volveu perder con Argibay no banquillo. A pesar de estar acompañados por 700 afecionados en Salamanca, os granates non cumpriron a regra de adestrador novo: victoria. Argibay veu coa intención de facer fichaxes no mercado de inverno, sobre todo en defensa e medio centro que é donde máis pincha o equipo e trae a Alves, DÁmico e Reyes, pero parte da directiva do clube non quere gastar agora moito diñeiro para baixar, despois, a 2B. Cren que así van perder máis, porque, se baixan, os canabales, changuis ou jose manueles non xogarán nesta categoria.

O aviso de Lendoiro surtiu efecto

Deportes - 24 Xaneiro 2005

O presi do Depor avisou ó longo da pasada semana; ou o equipo reaccionaba ou ía a tomar "serias medidas". O primeiro "avisado" foi Jabo Irureta e o segundo, os xogadores, especialmente ese grupiño que lle fai o vacío ó adestrador. Os catro goles van servir para aplacar o cabreo da Presidencia do clube, pero a vixiancia vai continuar. O míster xa lle fixo saber a Lendoiro que necesitan un revulsivo. Ese revulsivo pode levar o nome de Coloccini.

Esta sección conta coa financiación da Deputación de Lugo, do Fondo Europeo de Desenvolvemento Rexional e do Ministerio de Industria, Enerxía e Turismo.