Deportes - 14 Novembro 2005
Os vigueses xa fan contas sobre o posto que terán a final da liga. Se a traxectoria dos celtistas segue como ata agora, isto suporía que, a final da tempada sumarían 69 puntos e poderían clasificarse para a Champions. Esta regra funcionou cos catro clasificados das tres tempadas anteriores.
Deportes - 07 Novembro 2005
O pasado venres constituiuse a última asamblea de Siareiros Galegos en Lugo. Con esta incorporación, xa son seis as asambleas organizadas, xunto coas de Santiago, A Coruña, Pontevedra, Trasancos e Vigo, logo da celebración da súa asamblea nacional en Compostela a finais de outubro. Tamén o vindeiro mércores concentranse na cidade deportiva de Abegondo as seleccións galegas Sub 18 e sub 14 para manter un enfrontamento cun combinado do Deportivo.
Deportes - 07 Novembro 2005
O mercardo de inverno tamén pode ser moi movido para o Depor. Hai dous xogadores que poderían deixar o clube coruñés, Aldo Duscher, con dirección a Inglaterra e Sebastián Taborda, que podería recalar noutro equipo español. Lendoiro está disposto a deixar marchar a estes dous xogadores sempre e cando reciba máis por eles do que lles custou. A súa saída podería quedar cuberta pola chegada de David Navarro, que non conta co beneplácito de Quique Sánchez Flores no Valencia e xa ten ofertas para recalar no Depor. O clube coruñés leva vendidos xogadores nas tres últimas tempadas por un valor cercano ós 40 millóns e mercado por seis millóns.
Deportes - 07 Novembro 2005
O adestrador do Alavés, Chuchi Cos, amosouse onte indignado ó final do partido tras os berros continuados da afeción celtiña contra o seu equipo. "A segunda, oé", foi o berro máis escoitado en Balaídos, así como os pitidos ó ex celtista Jandro. "Veremos quién se va a segunda, aun queda mucho. El año pasado Osasuna iba muy bien, tuvo una racha de 10 partidos sin ganar y al final sufrió para salvarse", comentou Cos na rolda de prensa sobre estos insultos que non gustaron nada en boa parte da dirección e dos xogadores do clube vigués.
Deportes - 31 Outubro 2005
O presidente celtiña busca solucións para evitar que os partidos do Celta en Balaídos non se convirtan en xogos de salón. No que levamos de tempada, o aforo do campo vigués non superou as 20.000 persoas, cunha media de 15.000 afecionados por partidos. Xa hai peñas que piden bonos moito máis baratos e accións publicitarias para recuperar o espírito do Celta europeo.
Deportes - 31 Outubro 2005
O base galego e capitán do Breogán comezou con moi mala sorte esta tempada na ACB. Logo de pasar todo o veran traballando intensamente para recuperarse da súa lesión, unha forte pubalxia materao lonxe da cancha durante catro semanas. O do Porriño non deixa de cometar entre os seus achegados a súa mala sorte nunha tempada que prometía moito para el.
Deportes - 31 Outubro 2005
O adestrador do Mónaco, Francesco Guidolin, reclamou ó seu clube a contratación do deportivista Lionel Scaloni para o mercado de inverno. O xogador, que non conta para Caparrós, estaría disposto a marchar ó futbol francés para poder xogar o vindeiro mundial. A operación podería ter un custe de tres millóns de euros.
Deportes - 31 Outubro 2005
Houbo algúns colegas da prensa deportiva e afecionados que onte se queixaron pola "insensibilidade" do clube deportivista que non tivo a deferencia de gardar un minuto de silencio en lembranza de Fátima, unha moza que morreu a pasada semana víctima dunha longa e grave enfermidade. E non se entende esta actitude cando o propio clube, a través do Deporsport, apoiara a loita de Fátima contra a súa enfermidade e mesmo xogou un partido no Carballiño pola súa causa.
Deportes - 24 Outubro 2005
Baiano terá que someterse a máis probas ó longo desta semana. O brasileiro ten unha elongación do músculo e pode estar de baixa un mes. Quen pode xogar xa ante o Atletic de Bilbao é Canobbio. O xogador uruguaio quere acelerar a súa volta ó equipo e cre que está en condicións de viaxar a Bilbao.
Deportes - 24 Outubro 2005
Non gustou nada, nin á directiva, nin ós xogadores, ter que vestir onte unha camisola do equipo rival por falta dunha apropiada para a ocasión. Scaloni e Juanma acabaron o partido moi cabreados por este tema, ó igual que o propio presidente deportivista que non soubo explicar porque o seu clube non dispuña dun equipamento apropiado nin porque non se tapou a publicidade do equipo ribal. Joma e Fadesa, sponsors do Depor, tamén teñen dereito a protestar.
Deportes - 17 Outubro 2005
O Negreira xa agarda a visita do Pontevedra. Un derbi galego que non queren perder preto de 2.000 siareiros da cidade do Lérez, que teñen previsto desprazarse ó concello coruñés. Agardase un bo ambiente entre as dúas afecións.
Deportes - 17 Outubro 2005
No clube celeste temen que a lesión de Baiano vaia para largo. A pesares de que non quixeron facer público o alcance da mesma, parece que ten unha ruptura fibrilar. Na entidade celeste buscan responsabilidades e cren que a alineación do dianteiro sen que estivera recuperado ó 100% pode ter que ver nesta lesión. En Balaídos entrou pánico escénico porque temen que a falta de Baiano influa nos resultados do equipo.
Deportes - 10 Outubro 2005
Nas últimas semanas Caparrós está fixando a súa atención na canteira. Aproveitando o parón destes días polos partidos da Selección Española, o adestrador coruñés chamou a xogadores habituais do Depor B, como Ian Mackay, Iván Carril, Iago, Chapi, Ramón, David Rey, Pita e Óscar Sánchez. Púxoos a xogar co equipo titular e as impresións foron moi positivas.
Deportes - 09 Outubro 2005
O presidente do Celta manifestou a pasada semana a súa intención de deixar o Clube vigués. "No sé cuándo me voy a ir, algún día. Llevo diez años como presidente, dos como vicepresidente y en total quince en el club. Llegará un momento en el que tendré que dejar a otra gente que venga", sinalou. Hai quen ve neste anuncio unha intención de presionar as administracións para que aceleren a remodelación ou construción dun novo estadio. Por certo, a peña Celta Fans Al-Andalus xa ten a súa páxina web. Vai a http://pikino.iespana.es
Deportes - 03 Outubro 2005
O vindeiro 27 de octubre, o Pontevedra celebrará unha asamblea ordinaria, na que entre outros temas, abordarase a conversión voluntaria do clube en SAD. Para este cometido, fan falla aínda case dous millóns de euros. No primeiro intento de conversión, mercaronse 3.160 accións cun desembolso de 158.000 euros, na segunda venderonse 1.131 a 56.500 e na última, 1.131, cun gasto de 913.850.
Deportes - 03 Outubro 2005
O clube coruñés tamén quere ampliar capital e apela á afeción para solventar a súa situación económica. O Depor cre que cinco millóns de euros de capital social "no se corresponde con las inversiones realizadas en adquisición de derechos federativos de los jugadores, ni con las inversiones en obras de infraestructuras, ni con un presupuesto que supera los 85 millones de Euros". Por iso, queren correxir o desfase, axustando o capital social ó nivel actual do clube. ajustando el capital social al nivel actual del club; en total 60 millóns. Podes ler as xustificacións da directiva do Depor aquí.
Deportes - 03 Outubro 2005
Os siareiros do Racing comezan a desconfiar dos Veiga tras catro derrotas en seis partidos e ocupar postos de descenso. Críticase que Hector Simon, Moises Pereiro ou Granon "chupen" banquillo, sen saber moi ben os motivos. Pénsase que hai algo persoal nestas decisións.
Deportes - 26 Setembro 2005
Os tres ciclistas galegos fixeron un gran papel no Mundial de Ciclismo. Blanco e Serrano levaron a Valverde e Pereiro, fiel ó seu caracter, rompeu a carreira, da que se aproveitou o corredor de Illes Balears. Os tres están moi satisfeitos con que Galicia teña máis peso na Volta a España e ven con moi bos ollos a organización dun equipo galego de ciclismo.
Deportes - 26 Setembro 2005
Caparrós tivo que soportar o pasado sábado, tras a finalización do partido, algunhas palabras e xestos que non lle gustaron nada. Os protagonistas, Scaloni e Romero, que foron excluidos da convocatoria ante o Zaragoza. O primeiro tirou diante del a súa sudadeira e o segundo pediulle explicacións pola súa exclusión. O técnico andaluz teme que poida acontecer o que lle pasou a Irureta o ano pasado.
Deportes - 26 Setembro 2005
O partidazo e o golazo de Borja Oubiña non quedou en saco roto. O propio Vázquez loubou o traballo do canteirán: "Borja no hizo pretemporada y lleva tres partidos seguidos, soportó bien esa carga y se está acercando al nivel que yo sé que puede dar. Es un jugadorazo y seleccionable. Ahora que están buscando jugadores para la selección, ahí tiene Luis un gran mediocentro". Máis claro e alto non o puido dicir...
