Deportes - 28 Marzo 2005
O presidente do Ferrol, Isidro Silveira, comeza a impacientarse polos malos resultados do equipo. Por iso, tras a derrota do seu equipo ante o Cádiz falou co adestrador, Juan Veiga, para darlle un toque, e xa vai polo terceiro. Este foi un pouco máis serio que os anteriores xa que lle dixo que como se siga perdendo vai ter que "tomar medidas". A afeción comeza a criticar o xogo do equipo e lamenta que se esté repetindo a mesma historia que hai duas tempadas, nas que o Ferrol dilapidou toda a ventaxa da primeira volta, na segunda, para volver descender a Segunda B.
Deportes - 28 Marzo 2005
Charlie Bell volveu superar os 30 puntos, desta vez, contra o Forum de Valladolid, foron 41 e liderou a victoria do Breogán. Moncho López é moi consciente de que sen Bell o Breo non estaría onde está. No clube dase xa por feito a marcha do xogador a finais desta tempada e xa hai rumores que o sitúan mesmo no Real Madrid.
Deportes - 28 Marzo 2005
Vai ser moi difícil que o Pontevedra cubra o seu capital social tan só coas aportacións de socios e afecionados. Na cidade do Lérez reclaman que unha entidade forte; ben Caixanova ou ben a propia Ence, se faga con boa parte das accións. Na primeira fase, dos máis de 4,5 millóns de euros que fan falta para converter o clube en S.A., tan só se cubriron 158.000 euros. Agardase que na terceira fase, á que ten acceso quen non é socio, se poida cubrir boa parte desta cantidade. Por outra banda, entre os afecionados hai moito cabreo polo peche do foro oficial do Pontevedra. Acusan ó clube de censura
Deportes - 21 Marzo 2005
Ó actual director deportivo do Celta, Félix Carnero, acabaselle o contrato este ano tras dez anos de traballo no clube. O presidente celeste, Horacio Gómez, xa ten dito que quere contar con nas futuras tempadas, pero, por se acaso, garda un as na manga. Según fontes do clube celtiña o xogador Berizzo foi tanteado ante a posibilidade que Carnero non queira seguir ou non se chegue a un acordo. A afeción non vería mal esta operación que xa aconteceu con outros xogadores como Mate, Gudell ou Rackovic; aínda que tamén reclaman a Gómez que pense en Karpin e Mostovoi.
Deportes - 21 Marzo 2005
O Depor ten no punto de mira ó xogador celeste Canobbio, cuios dereitos están no Valencia. Lendoiro non descarta a súa fichaxe, sobre todo tras a boa campaña que está a realizar no Celta. Sen embargo, o equipo vigués ten a opción de compra por 2,5 millóns de euros, pero sempre que o xogador queira seguir en Vigo. Canobbio non se pronuncia e garda un "inquedante" silencio, o que comeza a mosquear a afición celtiña.
Deportes - 21 Marzo 2005
Outro que non ten despexado o seu futuro é o presidente do Pontevedra, Nino Mirón. Se o clube ten problemas en convertirse en S.A., xa dixo que non continuará á fronte do equipo. Son moitos os que queren que continúe, pero el está moi desanimado, sobre todo porque xa ve o equipo en Segunda B, a pesares das xornadas que aínda quedan. Onte, unha nova cantada de Moso, afundiu máis o equipo.
Deportes - 21 Marzo 2005
O presidente do Racing, Isidro Silveira, deulle un toque severo de atención a Juan Veiga, o adestrador. Na directiva ferrolana non está a gustar nada a marcha do equipo, que acumula varias derrotas consecutivas. Silveira, que hai unhas semanas soñaba co ascenso, pensa agora como salvar o descenso. Por iso, non se descarta a chegada dalgún "revulsivo" o equipo.
Deportes - 21 Marzo 2005
Tras perder contra o Barça o pasado sábado, as críticas arrecian no Depor, especialmente contra Tristán e Valerón. Segundo as estadísticas, nos 15 encontros que os dous xogaron de titulares houbo un gol de promedio, dos cales 4 foron de penalti, mentres que nas 29 xornadas totais o promedio foi de 1,31 por partido. No partido do pasado sábado unha parte da afeción pediu a berros a demisión de Irureta.
Deportes - 14 Marzo 2005
O adestrador do Pontevedra, Alberto Argibay, ten moi en conta a afeción do seu equipo. Cóntannos que o míster foi visto nalgún ciber da capital pontevedresa ollando o foro do clube, un foro no que participa a afeción máis fiel de Galicia que a pesar de resignarse a volver a Segunda B, non deixa nunca tirado o seu equipo. Onte, máis de 7.000 persoas volveron animar o Pontevedra en Pasarón.
Deportes - 14 Marzo 2005
O nerviosismo dos xogadores do Breogán no último tramo do partido acaboulles pasando factura. A efectividade de madrilistas "secundarios" como Gelabale, Herreros, Hervelle, Antonio Bueno e, sobre todo, a solvencia do pívot irlandés Burke destrozaron a traxectoria imparable dos lucenses.
Deportes - 13 Marzo 2005
O partido entre o Racing de Ferrol e Celta de Vigo foi toda unha demostración de bo futbol, tanto no campo coma nas gradas. Notase que hai moito 'feeling' entre as afecións de ambolos dous clubes e iso demostrouse no campo coa confraternización das peñas. O único problema do encontro foi que o presidente racinguista, Isidro Silveira, non cumpliu o compromiso de que os celestes pagaran as entradas a 12 euros tal e como acontecera no partido de ida. Tan só 700 vigueses, dos máis de 2.000 que foron a Ferrol, poideron entrar por ese prezo.
Deportes - 13 Marzo 2005
Alexander Mostovoi, un dos ídolos da afeción viguesa, acabese de converter nun dos rivais do Celta para ascender a primeira división, trala súa chegada ó Alavés. Coa súa fichaxe os victorianos cubren a baixa que deixou Jardel despois da súa espantada. A chegada do ruso producese pola mediación directa do presidente do clube basco, o tamén ruso Dimitri Piterman, xa que ambolos dous manteñen boas relacións.
Deportes - 07 Marzo 2005
Quen segue imparable é o Celta de Vigo, que xa suma a súa quinta victoria consecutiva, desta vez contra ó Alavés por tres goles. Agora sitúase a sete puntos do cuarto clasificado nunha cómoda posición para aspirar ó ascenso. A afeción está encantada co seu equipo, non así coa política mercantilista do seu presidente, Horacio Gómez, que acaba de sacar da manga un novo carné de abonados para os 9 partidos que restan na casa. O problema é que os que merquen o abono de Río Baixo van pagar 70 céntimos máis por boleto que mercando as entradas individuas dos sete partidos.
Deportes - 07 Marzo 2005
Outro que tamén está que se sae é o Breogán de Moncho López. En Lugo xa soñan con entrar nos play off e, máxime, tendo a un xogador como Charly Bell, o home dos 30 puntos por partido. Xa temos dito que o norteamericano ten varias ofertas e non seguirá no 'Breo' a próxima tempada. Pero tamén o adestrador galego está a ser tentado por clubes grandes, sobre todo, trala meteórica ascensión do equipo lugués.
Deportes - 07 Marzo 2005
O Deportivo volve saber o que é estar no máis alto da táboa. Se fai unhas xornadas se conformaba coa UEFA agora xa aspira á Champions. E con este obxectivo o seu presidente viaxará hoxe a Inglaterra para pechar a compra de Pandiani polo Birminghan. Pero, Lendoiro tamén tratará a posibilidade de traspasar a varios xogadores á Premier, entre os que estarían Tristán, César ou Victor. Tampouco descarta manter unha xuntanza con Abramovich e ser convidado a presenciar o Chelsea-Barça.
Deportes - 07 Marzo 2005
O presidente do Racing de Ferrol, Isidro Silveira, comeza a estar preocupado pola marcha do equipo, porque logo de soñar co ascenso, comeza a temer polo descenso. Así que xa lle mandou un recado ó adestrador, Juan Veiga, para que tome as "medidas oportunas". Silveira tamén se dirixiu por carta ó presidente do Comité Técnico de Arbitros para recriminarlle a arbitraxe do encontro contra o Huelva da pasada semana e obtivo o compromiso de Victorino Sánchez Arminio de que iso non vai volver acontecer.
Deportes - 05 Marzo 2005
O presidente galego considerou que a creación dunha selección galega de fútból é unha "pavada" e sinalou que o máis importante agora é potenciar a canteira dos equipos galegos antes que contratar xogadores extranxeiros.
Deportes - 28 Febreiro 2005
Fran e Lendoiro non se falan dende hai máis dun ano, xusto despois de que o xogador denunciara o clube por impago. E iso o presidente non llo perdoa. Por iso négalle unha homenaxe en condiccións e utiliza a escusa do "Superdepor" para lembrar as grandes figuras deste equipo, coma Bebeto, Rekarte ou Ribera, ademáis de Fran e Mauro Silva. Nunha entrevista no País Lendoiro mesmo chega a dicir cousas coma esta:
Deportes - 28 Febreiro 2005
O Pontevedra comeza a resucitar, aínda que paseniñamente. As tácticas de Argibay están dando resultado, ó igual que os reforzos de inverno. O gardamaias Moso estivo espectacular contra o Tenerife, pero a realidade é que o equipo está aínda a 10 puntos da salvación. Por certo, na primeira fase da conversión do clube en S.A. os socios téñense feito tan só co 0,8% das accións. Haberá que agardar á segunda e, sobre todo, a última fase, que será cando se saiba quen vai ser o comprador do clube.